Max Scheler

Max Scheler (Munich, Alemania, 1874ko abuztuaren 22a - Frankfurt am Main, Alemania, 1928ko maiatzaren 19a) alemaniar filosofoa izan zen. Edmund Husserlen fenomenologia garatu zuen bere lanetan. Jenako Unibertsitatean ezagutu zuen Husserlen obra.

Max Scheler
Irudi gehiago
Bizitza
Jaiotza	Munich, 1874ko abuztuaren 22a
Herrialdea	Alemania
Heriotza	Frankfurt am Main, 1928ko maiatzaren 19a (53 urte)
Hobiratze lekua	Südfriedhof
Familia
Ezkontidea(k)	Märit Scheler (en)
Seme-alabak	ikusi Max Scheler (en)
Hezkuntza
Heziketa	Municheko Unibertsitatea Jenako Unibertsitatea Berlingo Humboldt Unibertsitatea
Doktorego ikaslea(k)	Hermann Rudolf Bäcker
Hizkuntzak	alemana
Ikaslea(k)	ikusi Carlos Astrada (en)
Jarduerak
Jarduerak	filosofoa, antropologoa, unibertsitateko irakaslea, soziologoa eta axiologist (en)
Lantokia(k)	Kolonia eta Munich
Enplegatzailea(k)	Municheko Unibertsitatea Jenako Unibertsitatea Göttingengo Unibertsitatea Koloniako Unibertsitatea
Lan nabarmenak	ikusi Formalism in Ethics and Non-Formal Ethics of Values (en)
Influentziak	Edmund Husserl
Ideologia eta sinesmenak
Erlijioa	Erromatar Eliza Katolikoa

Biografia

1907tik 1910era bitartean, Municheko Unibertsitateko irakaslea izan zen, eta 1910. urtetik aurrera, Berlinen hartu zuen bizilekua, idazteko asmoz. 1917. urtea baino lehen idatzi zituen bere obra garrantzitsuenak, eta urte hartan hasi zen diplomatiko gisa Alemaniako Kanpo Arazoetarako Ministerioarentzat lanean, Genevan eta Hagan. 1920. urtean teoria bakezaleak azaldu zituen eta katoliko bihurtu zen, eta 1924an munduaren ikuspegi panteista aldarrikatu zuen.

Schelerrek bihotzaren (Fühlen) edo senaren emozioen fenomenologia landu zuen; objektuak "etikoak" dira aldez aurretik, balio objektibo aldaezina dute, eta hierarkia baten arabera ordenatzen dira. Kanten filosofian ez bezala, formen etikaren ordez balioen etika materiala da nagusi Schelerrenean. Jainkoa edo goreneko pertsona da Schelerren sistemaren giltzarria. Geroko urteetan, ordea, ikuspegia aldatu eta gizakia ezarri zuen Jainkoaren lekuan.

Obra nagusiak: Der Formalismus in der Ethik und die materiale Wertethik (1913-1916, "Formalismoa etikaren alorrean eta balioen etika materiala"), Wesen und Formen der Sympathie (1923, "Sinpatiaren izaera eta formak"), Die Wissensformen und die Geselschaft (1926, "Ezagutzaren formak eta gizartea"), Die Stellung des Menschen im Kosmos (1928, "Gizakiaren lekua munduan").

Erreferentziak

• Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011/12/26 egunean. Egile-eskubideen jabeak, Eusko Jaurlaritzak, hiztegi horiek CC-BY 3.0 lizentziarekin argitaratu ditu, Open Data Euskadi webgunean.

• Datuak: Q76521
• Multimedia: Max Scheler / Q76521