San Nikolas eliza (Iruñea)

Iruñeko San Nikolas eliza Iruñeko (Nafarroa Garaia) tenplu katolikoa da, Alde Zaharreko San Nikolas plazan dagoena.

San Nikolas eliza (Iruñea)
UNESCOren gizateriaren ondarea Kultura ondasuna
Nafar bidea Iruñeko Alde Zaharra
Irudi gehiago
Kokapena
Herrialdea	Euskal Herria
Probintzia	Nafarroa Garaia
Udalerria	Iruñea eta San Nikolas
Koordenatuak	42°48′57″N 1°38′42″W
Historia eta erabilera
Izenaren jatorria	San Nikolas Barikoa
Erlijioa	katolizismoa
Elizbarrutia	Iruñea eta Tuterako artxidiozesia
Izena	San Nikolas Barikoa
Arkitektura
Estiloa	arkitektura gotikoa
Gizateriaren ondarea
Erreferentzia	669-195
Eskualdea[I]	Europa eta Ipar Amerika
Izen-ematea	bilkura)
BIC	RI-51-0011563
195
Kontaktua
Helbidea	Calle de San Miguel, 15
Webgune ofiziala
UNESCOk egindako sailkapenaren arabera

Kokalekua

Alde Zaharrean kokatua, San Nikolas plaza, San Nikolas kalea, San Migel kalea, Lindatxikia kalea eta Sarasate pasealekuaren artean.

Historia

Eliza San Nikolas enparantzatik ikusita.

XII. mendean altxatua, jatorriz ez zen jarduera erlijiosoak ospatzeko bakarrik eraiki, baita izen bereko bere burgoko auzotarren gotorleku militar eta defentsiboa izan zedin ere, hiriko beste bi burgoekin liskarretan egoten bai ziren (Nabarreria eta San Saturnino).

1222an, auzotarren arteko erasoaldi haietako batean, sute batek antzinako eliza-gotorleku erromaniko hura suntsitu zuen. Haren ordez eraikitako eliza berria 1231an sagaratu zuten. Bere horma sendo eta burdin sareak, bai eta antzinako hiru zaintza dorreetatik oraindik zutik dirauen dorrea, bere iragan gatazkatsuaren lekuko dira.

Tenpluaren barnealdea hainbat fasetan eraikitako barrunbe gotiko ederrekoa da, protogotiko garaiko elementuak ditu: trazaketa orokorreko altxaera eta alboetako habearte kanoi apuntatuaren estalkiak, bai eta erdiko hormaren zati bat ere; Erdiko habeartearen gurutzeriako estalkiak, gurutzadura eta beiratedun harresiz eginiriko presbiterioa XIV. mendeko gotiko erakoak dira. Organo barroko handi bat badu, Iruñeko garrantzitsuena. Kanpoaldean gotikoa bi ateetan, absidean eta goialdeko harresiaren gune batzuetan bakarrik ikus liteke. Gainontzekoa 1888an Angel Goikoetxearen gehikuntzengatik ezkutatuta dago: arkupe neogotikoa, nolabaiteko neomudejar itxurako parrokietxeko adreiluarenen gainjarpena eta pasealekuan erdi aroko eklektizismoaren laburpena den aurrealdea ireki zen. Hainbat dorre izan zituen gaur egun bi ditu: handiena, José Martinez de Ubagoren bukaera barroko bat eta gaztelubegiak dituena, eta txikiena, egile berberarena dena.^[1]

San Nikolas eliza gauez.

Ikus gainera

• Bilboko San Nikolas eliza
• Iruñeko Kultura Ondasun zerrenda