Santa Helena

Santa Helena^[1] Ozeano Atlantikoko uharte bat da. Administrazioaren aldetik Erresuma Batuko itsasoz haraindiko lurralde bat osatzen du Ascension uhartearekin eta Tristan da Cunharekin batera, Santa Helena, Ascension eta Tristan da Cunha izenez. Hiru uharteek Santa Helenako dependentzia britainiarretako bat osatzen dute. Dependentziako hiriburu nagusia, Jamestown da.

Artikulu hau uharteari buruzkoa da; santua gaitzat duena beste hau da: «Helena Konstantinoplakoa»

Santa Helena
Saint Helena
Goiburua: Loyal and Unshakeable (Leial eta ikaragaitza)
Saint Helena on the Globe (in the United Kingdom).svg
Geografia
Hiriburua	Jamestown
Hiririk handiena	Jamestown
Azalera	410 (40.)
Punturik altuena	Diana's Peak (en) (818 m)
Punturik sakonena	Ozeano Atlantikoa
Kontinentea	Afrika
Administrazioa
Gobernu-sistema	Itsasoaz haraindiko lurraldea
Errege	Charles III.a
Demografia
Biztanleria	3.924
Dentsitatea	32,43 bizt/km²
Ekonomia
Bestelako informazioa
Ordu eremua	ikusi UTC±00:00 : Atlantic/St_Helena (en)

Geografia

Afrikako kostaldetik 1.850 kilometrora dago. Sumendiek eragindako uhartea da. Klima epela da. Oso landaredi oparoa du barnealdean baina kostaldera hurbildu ahala murriztu egiten da.

Banaketa administratiboa

Santa Helena uhartea honela banatzen da administratiboki:

Barrutia	Azalera km²	Biztanleria 2008
Alarm Forest	5,9	276
Bahía de Sandy	15,3	205
Blue Hill	36,5	153
Half Tree Hollow	1,6	901
Jamestown	3,6	714
Levelwood	14,0	316
Longwood	33,4	715
Saint Paul's	11,4	795
Santa Helena (Isla)	121,7	4.255

Biztanleak

Europarrek (britainiarrak, batez ere), asiarrek eta Afrikako etorkinen ondorengoek osatzen dute Santa Helenako biztanleria. Kakatuak zeuzkaten.

Historia

Portugaldarrek aurkitu zuten uhartea 1502an, eta erbesteratuentzat egokitu zuten hasieran. 1645ean holandarrek hartu zuten. Ingalaterraren esku zegoen 1659an, eta aldi batez berriro holandarrek konkistatu bazuten ere (1673), ingelesen mende geratu zen betiko.

Santa Helena uhartearen hiriburu Jamestown hiria.

Hara erbesteratu zuten ingelesek Napoleon (1815-1821) eta han hil zen. 1834. urtean Ingalaterrako gobernuaren administraziopean jarri zen eta XIX. mendean portu garrantzitsu bihurtu zen Indietarako bidean, Suezko ubidea zabaldu zen arte, hain zuzen.

Ekonomia

Laborantza (lihoa, patata, artoa, barazkiak), abere hazkuntza (behi eta zerri azienda) eta arrantza dira ekonomia jarduera nagusiak. Garapen bidean dagoen herria da, eta Ingalaterrak kitatzen ditu uharteko urteko aurrekontuaren bi-heren. Estatu Batuen mendeko hegazkin base garrantzitsua dago Ascension uhartean.