Saturnino Legarda

Saturnino Legarda (Legarda, 1896ko irailaren 28a - Iruñea, 1970eko irailaren 3a) nafar elizgizona, organista eta musikagilea izan zen.

Saturnino Legarda
Bizitza
Jaiotza	Legarda, 1896ko irailaren 28a
Herrialdea	Nafarroa Garaia, Euskal Herria
Heriotza	Iruñea, 1970eko irailaren 3a (73 urte)
Hezkuntza
Hizkuntzak	gaztelania
Jarduerak
Jarduerak	klerikoa, organista eta musikagilea
Sinesmenak eta ideologia
Erlijio-ordena	Anaia Txiki Kaputxinoen Ordena

Bizitza

Iruñean eta Donostian egin zituen organo, harmonia, kontrapuntu eta fuga ikasketak. 1913. urtean, kaputxinoen ordenan sartu zen, eta 7 urte geroago, apaiz egin zen. 1923. urtean, Buenos Airesera jo zuen, eta 40 urte eman zituen bertan. Stravinski, Respighi, Casella, Malipiero, Ravel, Perosi eta, batez ere, Manuel de Falla musikagile handiekin harreman estuak izan zituen. Mezak, ofizioak eta hil-otoitzak idatzi zituen, batez ere.

Erreferentziak

• Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011/12/27 egunean. Egile-eskubideen jabeak, Eusko Jaurlaritzak, hiztegi horiek CC-BY 3.0 lizentziarekin argitaratu ditu, Open Data Euskadi webgunean.

• Datuak: Q12267124