Super Rugby

Super Rugby nazioarteko errugbi txapelketa da, Hego Hemisferioko kluben artean jokatzen den garrantzitsuena. Gaur egun, Australiako, Fijiko, Zeelanda Berriko eta Pazifikoko uharteetako taldeek hartzen dute parte, baina lehenago Argentinakoak, Hegoafrikakoak eta Japoniakoak ere aritzen ziren. Frantziako Top 14, Ingalaterrako Premiership eta Pro 14 ligekin batera, munduko lau liga indartsuenak osatzen dituzte.

Super Rugby
Antolatzailea	SANZAAR
Sorrera	1996 (Super 12) 2006 (Super 14) 2010 (Super Rugby) 2022 (Super Rugby Pacific)
Eremua	Australia  Fiji Ozeano Bareko uharteak  Zeelanda Berria
Taldeak	12
Maila	1
Garaipen gehien	Crusaders (13)
Txapelduna	Crusaders (2025)
Webgunea	www.sanzarrugby.com

Crusaders (gorri-beltza) da garaipen gehien lortu dituen taldea. Bulls hegoafrikarrak (urdina) hiru garaipen lortu ditu.

Historia

1986 urtean sortu zen Hego Pazifikoko Txapelketan du jatorria. Bertan Australiako 2 taldek, Fijiko talde batek eta Zeelanda Berriko 3 taldek hartu zuten parte eta 1990 artean jokatu zen.

Gaur egungo txapelketa ordea 1996an hasi zen Super 12 izenarekin. Australia, Zeelanda Berria eta Hegoafrikako taldeak sartu ziren bertan. 2006an taldeen kopurua hamalaura gehitzean Super 14 izena hartu zuen. 2011. urtean Super 15 bihurtu zen. 2016an, Argentina eta Japoniako talde bana sartu ziren, Ligaren eremua nabarmen handitu zelarik.

2017an Hegoafrikako bi taldek (Cheetahs eta Southern Kings) Europako Pro 14 Ligan jokatzeko hautua egin zuten eta beraz 15 taldetako liga gelditu zen. COVID-19 pandemiak txapelketa eten zuen, eta ez zen 2020ko eta 2021eko denboraldietan jokatu. 2022an berrekin zitzaion txapelketari, eta harrezkero Ozeaniako taldeek soilik hartzen dute parte.

Lehiaketa sistema

2020 artean

Hamabost taldeak irizpide geografikoak erabiliz egindako bost taldetako hiru konferentziatan banatzen dira:

• Australiako konferentzia: talde australiarrak eta talde japoniarra.
• Zeelanda Berriko konferentzia: Zeelanda Berriko taldeak.
• Hegoafrikako konferentzia: talde hegoafrikarrak eta talde argentinarra.

Talde bakoitzak 16 partida jokatzen ditu, zortzi bere konferentziakoak eta beste zortzi gainerako konferentziako taldeen aurka.

Konferentzia bakoitzeko talde onenak final laurdenetarako sailkatzen dira eta gainerako bost taldeak puntuazioz onenak izan direnek osatzen dute. Kanporaketa sistema erabiliz final handia jokatu eta bertan erabakitzen da Ligako txapelduna.

2022tik aurrera

Hamabi taldek osatuko dute liga eta guztiek elkarren aurka jokatzen dute fase erregularrean. Ondoren sailkapen nagusiko zortzi lehenengoek txapelketarako play-offak jokatzen dituzte.

•  Australia (5 talde)
•  Fiji (talde bat)
• Ozeano Bareko uharteak (talde bat)
•  Zeelanda Berria (5 talde)

Podiuma

Crusaders 13 Liga	Blues 4 Liga	Bulls 3 Liga

Taldeak

2020 artean Argentinako talde bat (Jaguares), Japoniako bat (Sunwolves) eta Hegoafrikako lau (Bulls, Lions, Sharks eta Stormers) izan ziren Super Rugby txapelketan. Hegoafrikarrek Hauen lekua hartzeko hiru talde berri sartu ziren; Fijiko Drua, Ozeano Bareko hainbat uhartetako Moana Pasifika eta 2017an atera zen Australiako Western Force itzuli zen.

Taldea	Hiria	Estadioa (edukiera)
Blues	Auckland	Eden Park (50.000)
Brumbies	Canberra	Canberra Stadium (25.000)
Chiefs	Hamilton	Waikato Stadium (25.800)
Crusaders	Christchurch	Rugby League Park (18.000)
Drua	Suva	Churchill Park (11.000)
Highlanders	Dunedin	Forsyth Barr Stadium (30.748)
Hurricanes	Wellington	Westpac Stadium (34.500)
Melbourne Rebels	Melbourne	Rectangular Stadium (29.500)
Moana Pasifika	Auckland (Zeelanda B.)	Mount Smart Stadium (30.000)
Queensland Reds	Brisbane	Suncorp Stadium (52.500)
Western Force	Perth	Perth Oval (20.500)
Waratahs	Sydney	ANZ Stadium (83.500)

Palmaresa

Aurreko txapelketak

Urtea	Txapelduna	Txapelketa
1986	Canterbury	Hego Pazifikoko txapelketa
1987	Auckland eta Canterbury	Hego Pazifikoko txapelketa
1988	Auckland	Hego Pazifikoko txapelketa
1989	Auckland	Hego Pazifikoko txapelketa
1990	Auckland	Hego Pazifikoko txapelketa
1991	ez zen jokatu
1992	Queensland	Super 6
1993	Transvaal	Super 10
1994	Queensland	Super 10
1995	Queensland	Super 10

Super Rugby

Urtea	Taldeak	Txapelduna	Emaitza	Txapeldunordea
1996	12	Blues	45-21	Sharks
1997	12	Blues	23-7	Brumbies
1998	12	Crusaders	20-13	Blues
1999	12	Crusaders	24-19	Highlanders
2000	12	Crusaders	20-19	Brumbies
2001	12	Brumbies	36-6	Sharks
2002	12	Crusaders	31-13	Brumbies
2003	12	Blues	21-17	Crusaders
2004	12	Brumbies	47-38	Crusaders
2005	12	Crusaders	35-25	Waratahs
2006	12	Crusaders	19-12	Hurricanes
2007	14	Bulls	20-19	Sharks
2008	14	Crusaders	20-12	Waratahs
2009	14	Bulls	61-17	Chiefs
2010	14	Bulls	25-17	Stormers
2011	15	Queensland Reds	18-13	Crusaders
2012	15	Chiefs	37-6	Sharks
2013	15	Chiefs	37-22	Brumbies
2014	15	Waratahs	33-32	Crusaders
2015	15	Highlanders	21-14	Hurricanes
2016	18	Hurricanes	20-3	Lions
2017	18	Crusaders	25-17	Lions
2018	15	Crusaders	37-18	Lions
2019	15	Crusaders	19-3	Jaguares
2020¹	15	Bertan behera
2021²	15	Bertan behera
2022³	12	Crusaders	21-7	Blues
2023	12	Crusaders	25-20	Chiefs
2024	12	Blues	41-10	Chiefs
2025	11	Crusaders	16-12	Chiefs

• ¹ 2020. urteko Super Rugby txapelketa bertan behera gelditu zen COVID-19 pandemiaren eraginez.
• ² 2021. urtean eskualdeko ligak jokatu ziren.
• ³ 2022tik aurrera Ozeaniako taldeek soilik hartuko dute parte.

Garaipenak

Taldeka

Taldea	Txapelduna	Finalista	Garaipen urteak
Crusaders	13	4	1998, 1999, 2000, 2002, 2005, 2006, 2008, 2017, 2018, 2019, 2022, 2023, 2025
Blues	4	2	1996, 1997, 2003, 2024
Bulls	3	0	2007, 2009, 2010
Brumbies	2	4	2001, 2004
Chiefs	2	4	2012, 2013
Waratahs	1	2	2014
Hurricanes	1	2	2016
Highlanders	1	1	2015
Queensland Reds	1	0	2011

Herrialdeka

2025eko ekitaldia barne.

Herrialdea	Garaipenak	Finalistak	Talde txapeldunak (kopurua)
Zeelanda Berria	21	13	Crusaders (13), Blues (4), Chiefs (2), Highlanders (1), Hurricanes (1)
Australia	4	6	Brumbies (2), Waratahs (1), Queensland Reds (1)
Hegoafrika	3	8	Bulls (3)
Argentina	0	1
Japonia	0	0

Kanpo estekak

• (Ingelesez) Webgune ofiziala

• Datuak: Q855988
• Multimedia: Super Rugby / Q855988