Sardainia

'S e Sardainia neo Sàrdainea^[1] (Sàrdais: Sardigna, Sardinna no Sardíngia, Eadailtis: Sardegna, Catalanais: Sardenya, Beurla: Sardinia), an dàrna eilean as motha anns a' Mhuir Mheadannach. Tha e suidhichte mu 202 km bho thìr-mhòr na h-Eadailt agus mu 184 km san àird a tuath Tuinisia. Tha Menorca, eilean Spàinnteach anns na h-Eileanan Balèarach mu 335 km san àird an iar Sardainia.

Sardainia Bratach na Roinne Gearradh-arm no Seula
Suidheachadh
Dùthaich	An Eadailt
Prìomh-bhaile	Cagliari (en)
Feartan fiosaigeach

'S e Cagliari am prìomh-bhaile aige.

Sgìrean

Na sgìrean ann an Sardainia (mapa dà-chànanach).

'S e Sardainia aon de na còig roinnean neo-eisimeileach den Eadailt.

Bho thùs bha trì sgìrean poilitigeach ann an Sardainia fhèin: Cagliari, Sassari is Nuoro. Anns a' bhliadhna 1974 chaidh an sgìre Oristano a chruthachadh. Bho 2005 a-mach tha ceithir sgìrean ùra eile ann: Olbia-Tempio, Ogliastra, Carbonia-Iglesias agus Medio Campidano.

Sgìre	Farsaingeachd (km2)	Àireamh-shluaigh 31.12.2009	Dlùths
Cagliari	4570	61.080	123
Carbonia-Iglesias	1495	130.186	87
Medio Campidano	1516	102.647	68
Nuoro	3934	161.020	41
Ogliastra	1854	58.006	31
Olbia-Tempio	3399	156.121	46
Oristano	3040	166.712	55
Sassari	4282	336.632	79

Cruinn-eòlas

Tha Sardinia cho mòr ri 24.090 km² agus ann an 2009 bha 1.672.404 a' fuireach ann.

Le 150 km a dh'fhad,'s e Tirso an abhainn as motha ann an Sardainia, tha e anns an taobh an iar dhen eilean. Tha an Coghinas 123 km a dh'fhad agus anns an àird an earra-dheas tha am Flumendosa (122 km) ann.

'S iad am Punta La Marmora (1834 meatair a dh'àrd) agus am Bruncu Spina (1829 m) na beanntan as àirde. Tha iad suidhichte ann am meadhan Shardainia anns na ruith-bheanntan Gennargentu. Ann an ceann a tuath an eilein tha am Monte Limbara, tha e 1359 m a dh'àrd. Uaireannan lorgar òr is airgead anns na beanntan Shardainia.

Cànanan

Ged a tha Eadailtis aig muinntir an eilean gu lèir. tha Sàrdais aig 80% dhiubh.