División de Honra de Rugby 1952-1953
primeira edición da División de Honor de Rugby de España / From Wikipedia, the free encyclopedia
A tempada 1952-1953 da Liga Nacional de rugby foi a edición inaugural da máxima categoría do rugby en España, creada pola Federación Española de Rugby. Até 1952 a principal competición nacional de rugby era o Campionato de España (actual Copa do Rei), pero en setembro de 1952[1] a FER considerou oportuno crear un novo campionato cun formato de liga no que se enfrontasen os equipos participantes todos contra todos. A iniciativa non estivo carente de polémica[2] posto que as federacións rexionais e os clubs non foron consultados, e o sistema de admisión de participantes era excluínte. A FER considerou que na súa edición inaugural a liga estaría composta por 4 equipos, que serían o campión e o subcampión dos pasados campionatos de Cataluña e Castela, é dicir, dous equipos cataláns e dous equipos madrileños. Os equipos do resto do país non tiveron, pois, ningunha posibilidade de participar na liga.
Tipo | División de Honra de Rugby |
---|---|
Organizador | Federación Española de Rugby |
Número de participantes | 4 |
Localización e Datas | |
País | España |
Período de tempo | tempada 1952-1953 |
Intervalo de tempo | 12 de outubro de 1952 – 14 de decembro de 1952 |
Número de edición | 1 |
Competición | |
Primeiro posto | Futbol Club Barcelona |
A liga contou con 4 equipos que disputaron 6 xornadas, enfrontándose entre si tódolos equipos a dúas voltas. O campionato celebrouse no outono de 1952, antes dos diversos campionatos rexionais. O primeiro encontro da historia da liga española de rugby levouse a cabo ás 12:00h do 12 de outubro de 1952 no Campo de La Bordeta, en Barcelona. Nese encontro inaugural enfrontáronse o FC Barcelona e a AD Plus Ultra de Madrid[3], que rematou co resultado final de 21-0 a prol do conxunto barcelonés[4].
A competición rematou coa vitoria final para o FC Barcelona, que deste xeito se converteu no primeiro campión de liga de rugby en España.[5]