Galego oriental

Agrúpanse no galego oriental as falas do galego situadas xeograficamente máis ao leste e que teñen como características os seguintes fenómenos lingüísticos:

• Falas moi conservadoras, mantendo algunhas características medievais hai tempo desaparecidas no resto de Galiza (voseo de acusativo, vogais nasais nos Ancares).
• Sistema tónico con oito vogais, as sete do galego común máis un [a] palatal.
• Plurais de palabras terminadas en -an -en -on > -ais -eis -ois: pantalón-pantalois.
• Conservación dos ditongos latinos qua e gua: cuatro, guardar.

Extensión

O galego oriental é falado en:

• A parte máis oriental da provincia de Lugo, incluíndo A Fonsagrada e Navia de Suarna no norte e até os lindes da comarca de Quiroga con Valdeorras, por onde continúa.
• A comarca asturiana da Terra Eo-Navia.
• Parte oriental de Ourense (comarca de Valdeorras, comarca de Viana, A Gudiña e A Mezquita).
• A zona occidental do Bierzo, incluídos os Ancares.
• Concellos galegofalantes das Portelas na comarca da Seabra na provincia de Zamora.

División

Divídese en cinco áreas que, á súa vez, divídinse en subáreas:

• Asturiana (Eonaviego): comprende a maior parte da Terra Eo-Navia galegofalante e unha pequena parte de Galicia. Divídese en dúas subáreas:
  • A Veiga-Os Oscos-Ibias
  • Salave-Coaña-Boal
• Ancaresa: comprende unha pequena parte do norte da comarca do Bierzo.
• Zamorana: comprende a zona das Portelas e unha estreita franxa galega coa que limita. Divídese en dúas subáreas:
  • O Porto
  • A Mezquita-Lubián (comprende as microáreas de A Mezquita e Lubián-Hermisede)
• Oriental-central: comprende unha larga franxa galega oriental, a maioría da comarca do Bierzo galegofalante e unha pequena parte da Terra Eo-Navia. Divídese en dúas subáreas:
  • A Fonsagrada-O Courel-O Bierzo (comprende as microáreas de A Fonsagrada-Cervantes, O Courel e O Bierzo)
  • Valdeorras-Viana (comprende as microáreas de Valdeorras e O Bolo-Viana)
• Cacereña (Fala de Estremadura): fálase no Val do río Ellas, en Cáceres.

Véxase tamén

Multimedia: o galego do Bierzo

Fálame sempre, capítulo un

Fálame sempre, capítulo dous

Fálame sempre, capítulo tres

• Áreas lingüísticas do galego
• Galego de Asturias
• Galego exterior