Turks e Caicos
From Wikipedia, the free encyclopedia
As Illas Turks e Caicos (en inglés: Turks and Caicos Islands; e abreviado TCI;[1] /tɜːrks/ e /ˈkeɪkəs, -koʊs, -kɒs/) son un territorio de ultramar dependente do Reino Unido e están situadas ao norte da illa A Española, onde se atopan Haití e a República Dominicana, en augas do océano Atlántico.
Turks and Caicos Islands (en)  | |||||
| |||||
| Himno | God Save the King | ||||
|---|---|---|---|---|---|
| Lema | «Each Endeavouring, All Achieving» «Всеки се стреми, всички постигат» | ||||
| Localización | |||||
| |||||
| Estado | Reino Unido | ||||
| Capital | Cockburn Town | ||||
| Poboación | |||||
| Poboación | 44.542 (2020) (106,82 hab./km²) | ||||
| Lingua oficial | lingua inglesa | ||||
| Xeografía | |||||
| Parte de | |||||
| Superficie | 417 km² | ||||
| Punto máis alto | Blue Hills (en)  (49 m) | ||||
| Comparte fronteira con | |||||
| Datos históricos | |||||
| Precedido por | |||||
| Creación | 1973 | ||||
| Organización política | |||||
| • Xefe de estado | Carlos III do Reino Unido | ||||
| • Premier of the Turks and Caicos Islands (en) | Washington Misick (en) | ||||
| Órgano lexislativo | Turks and Caicos Islands House of Assembly (en) , (Escano: 21) | ||||
| Membro de | |||||
| PIB nominal | 1.044.778.790 $ (2021) | ||||
| Moeda | dólar estadounidense | ||||
| Identificador descritivo | |||||
| Fuso horario | |||||
| Dominio de primeiro nivel | .tc | ||||
| Prefixo telefónico | +1649 | ||||
| Teléfono de emerxencia | 911 | ||||
| Código de país | TC | ||||
| Candidato a Patrimonio da Humanidade | |||||
| Data | 27 de xaneiro de 2012 | ||||
| Identificador | 5682 | ||||
.jpg?lang=gl)
Consisten na gran illa de Caicos Central e as pequenas Illas Turks ou Turcas, dous grupos de illas tropicais no Arquipélago das Lucayas no océano Atlántico e ao norte das Indias occidentais.[2] Son coñecidas principalmente polo turismo e como un centro financeiro extraterritorial. A poboación residente en xullo de 2021 foi de 57.196, polo que é o terceiro máis grande dos territorios británicos de ultramar por poboación[3] dos que 23.769 (2012) vivían en Providenciales nas Illas Caicos.
As illas están ao sueste de Mayaguana na cadea de Bahamas e ao norte da illa da Hispaniola (Haití e República Dominicana). Cockburn Town, a capital desde 1766, está situada na illa Gran Turca a uns 1042 km. ao leste-sueste de Miami, Estados Unidos. Teñen unha superficie total de 430 kilometros cadrados (170 sq mi).[lower-alpha 1]
As illas estiveron habitadas durante séculos por pobos indíxenas. O primeiro avistamento europeo rexistrado foi en 1512.[6] Nos séculos posteriores, foron reclamadas por varias potencias europeas, co Imperio Británico finalmente gañando o control. Durante moitos anos estiveron gobernados indirectamente desde as Bermudas, as Bahamas e Xamaica. Cando as Bahamas lograron a independencia en 1973, as illas recibiron o seu propio gobernador, e desde entón seguiron sendo un territorio autónomo.[3]
O nome Caico[s] é do lucaiano caya hico, que significa 'cadea de illas'.[7][8][9][10][3] As Illas Turcas reciben o nome do "cacto turco de pucha vermella", Melocactus intortus, cuxo cephalium vermello se asemella ao sombreiro de fez que usaban os turcos a finais do Imperio Otomán.[10][3]
As illas Turks e Caicos estiveron habitadas durante séculos por pobos nativos amerindios. O primeiro avistamento europeo das illas rexistrado produciuse en 1512.[11] Nos séculos posteriores, as illas foron reivindicadas por varias potencias europeas, finalmente co Imperio Británico logrando o control. Ata o ano de 1962 eran administradas por Xamaica, pero ao conseguir esta a súa independencia pasaron a depender do Gobernador Xeral das illas Bahamas. Cando as Bahamas conseguiron a súa independencia en 1973 pasaron a constituírse como un territorio á parte e aínda que no ano de 1982 o Reino Unido concedeulles a independencia as illas deron marcha atrás e preferiron seguir gobernadas como un territorio dependente da coroa británica, recibiron ao seu propio gobernador e permaneceron como Territorio británico de ultramar.[12]
O gobernador das illas (designado por Isabel II do Reino Unido) actúa de facto como xefe de estado representando a raíña e supervisa os labores dun Consello Lexislativo composto por 19 membros (dos cales só 13 son electos) na cidade de Cockburn Town, a capital do territorio. O xefe de goberno é o Principal Ministro son elixidos. A economía das illas depende do turismo, a pesca e dos investimentos estranxeiros non tributables. A poboación ascende a unhas 31.458 persoas das cales o 90% son de raza negra e o 86% practican o cristianismo protestante. A moeda de curso legal é o dólar estadounidense e desde o día 2 de xullo de 1991 as Illas Turcas e Caicos son membro asociado da Comunidade do Caribe.
As illas Turcas e Caicos atópanse ao sueste de Mayaguana na cadea insular de Bahamas, ao nordés de Cuba e aproximadamente 160 km ao norte da illa de A Española (Haití e a República Dominicana). Cockburn Town, a capital desde 1766, está situada na Gran Turca ao redor de 1042 km. ao leste-sueste de Miami, Estados Unidos. As illas teñen unha superficie total de 430 km².[lower-alpha 2]
O territorio é xeograficamente contiguo ás Bahamas, ambos forman o Arquipélago das Lucayas, pero politicamente son entidades separadas. As illas Caicos están separadas pola Passage Caicos das illas Bahamas máis próximas, Mayaguana e Gran Inagua. A masa de terra estranxeira máis próxima das illas Turks e Caicos é a illa das Bahamas de Pequena Inagua, a uns 30 quilómetros de Caicos do Oeste.
As oito illas principais e máis de 22 illas menores teñen unha superficie total de terra de 616´3 km², [lower-alpha 1] que consiste principalmente en pedra calcaria baixa e plana, con extensas marismas e mangleiros pantanos e 332 km² de fronte de praia. Os picos máis altos das illas son as illas Blue Hills en Providenciales e Flamingo Hill en Caicos do Leste, ambas cuns modestos 48 m.[17] O tempo adoita ser asollado (normalmente considérase que as illas reciben 350 días de sol ao ano[18]) e relativamente seco, pero con frecuentes furacáns.[19] As illas teñen recursos naturais limitados de auga doce. Cisternas privadas recollen auga de choiva para beber. Os recursos naturais primarios son os peixes e mariscos.
Os dous distintos grupos de illas están separados pola Pasaxe das illas Turks.[20]
Illas Turcas
As illas Turks están separadas das illas Caicos pola Pasaxe das illas turcas, que ten máis de 2200 m. de profundidade.[21] As illas forman unha cadea que se estende de norte a sur. A poboación no Censo de 2012 era de 4.939 nas dúas illas principais, as únicas illas habitadas do grupo:
- Gran Turca (coa capital do territorio, superficie 17´39 km², poboación 4.831)
- Salt Cay (superficie 6´74 km², poboación 108)
Xunto ás illas próximas, en Turks Bank, as dúas principais illas forman os dous distritos administrativos do distrito (dos seis en total) que están dentro das Illas Turks. Turks Bank, que é máis pequeno que Caicos Bank, ten unha superficie total de aproximadamente 324 km².[22]
As principais illas deshabitadas son:
- Caio Big Sand
- Caio Algodón
- East Cay
- Endymion Rock
- Caio Gibb
- Caio Pera
Mouchoir Bank
25 km. ao leste das Illas Turcas e separada delas pola pasaxe Mouchoir está Mouchoir Bank. Aínda que non ten caios nin illotes emerxentes, algunhas partes son moi pouco profundas e a auga rompe sobre elas. Mouchoir Bank forma parte das illas Turks e Caicos e está dentro da súa Zona Económica Exclusiva. Ten 960 km² de superficie.[23] Dous bancos máis ao leste, Silver Bank e Navidad Bank, están xeograficamente a continuación, pero politicamente pertencen á República Dominicana.
Illas Caicos
A illa máis grande do arquipélago de Caicos é a escasamente habitada Caicos entral, que ten unha superficie de 144 km², pero só ten unha poboación de 168 habitantes no Censo de 2012. A illa máis poboada é Providenciales, con 23.769 habitantes en 2012, e unha superficie de 122 km². Caicos do Norte (116 km² de superficie) tiña 1.312 habitantes. Caicos do Sur (21 km² de supeficie tiña 1.139 habitantes, e Caio Parrot (6 km² de superficie) tiña 131 habitantes. Caicos do Leste (que se administra como parte do distrito Caicos do Sur) está deshabitada, mentres que os únicos habitantes permanentes de Caicos do Oeste (administrados como parte do distrito de Providenciales) son persoal do resort. [Cómpre referencia]
As illas Caicos inclúen as seguintes illas principais:
- Caio Ambergris
- Caio Gran Ambergris
- Caio Pequeno Ambergris
- Caio Bay
- Caio Bush
- Caio Dellis
- Caio Donna
- Caio Dove
- Caio East Bay
- Caicos do Leste
- Caios Fish
- Five Cays
- Five Little Cays
- Fort George Cay
- French Cay
- Little Water Cay
- Long Cay
- Caio Mangrove
- Caicos Central
- Caio Middleton
- Caicos do Norte
- Caio Parrot
- Caio Pine
- Caio Plandon
- Providenciales
- Caio Seal
- Six Hill Cays
- Caicos do Sur
- Caio Stubbs
- Caio Water
- Caicos do Oeste
- West Sand Spit
As Illas Turcas e Caicos están compostas por seis distritos agrupados en dous grupos de illas: as illas Caicos e as illas Turcas.
Illas Caicos
- Illas Principais:
- Caicos Central ou (Middle Caicos) e a súa cabeceira de distrito é Conch Bar
- Caicos do Norte ou (North Caicos)' e a súa cabeceira de distrito é Bottle Creek
- Caicos do Sur e Caicos do Leste ou (South Caicos e East Caicos), a cabeceira deste distrito é Cockburn Harbour.
- Providenciales e Caicos do Oeste (Providenciales e West Caicos), Blue Hills é a súa cabeceira de distrito.
- Caio Ambergris (Ambergris Cay)
- Illas menores:
- Caio Pine (Pine Cay)
- Caio Parrot (Parrot Cay)
Illas Turcas
As illas Turcas están divididas por dous distritos:
Clima
As illas Turks e Caicos presentan un clima tropical, con temperaturas relativamente consistentes ao longo do ano.[24] As temperaturas do verán raramente superan os 33 °C e as temperaturas nocturnas no inverno raramente caen por baixo de 18 °C.
| Datos climáticos para Turks and Caicos Islands : Grand Turk | |||||||||||||
|---|---|---|---|---|---|---|---|---|---|---|---|---|---|
| Mes | Xan | Feb | Mar | Abr | Mai | Xuñ | Xul | Ago | Set | Out | Nov | Dec | Anual |
| Media máxima en °C | 27 | 27 | 28 | 28 | 29 | 30 | 31 | 31 | 31 | 30 | 29 | 28 | 29,1 |
| Media mínima en °C | 23 | 23 | 23 | 24 | 25 | 26 | 27 | 27 | 27 | 26 | 24 | 24 | 24,9 |
| Precipitación media mm | 36,1 | 34,0 | 24,6 | 35,6 | 29,5 | 54,9 | 30,0 | 40,4 | 66,5 | 74,9 | 93,5 | 85,1 | 605,1 |
| Fonte: Weather.com[25] Weatherbase.com[26] | |||||||||||||
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
