Asociación de Escritoras e Escritores en Lingua Galega

A Asociación de Escritoras e Escritores en Lingua Galega (AELG) constituíse a partir dunha xuntanza celebrada o 3 de maio de 1980 en Santiago de Compostela por un grupo de escritores, entre os que se contaban Alfredo Conde, Paco Martín, Xosé Manuel Martínez Oca, Xosé Luís Méndez Ferrín, Alfonso Pexegueiro, Manuel Rivas, Uxío Novoneyra, Xavier Rodríguez Barrio, Bernardino Graña e Xoán Ignacio Taibo que acordan formar unha asociación que defendese os intereses da práctica escrita en galego seguindo o facho da Asociación de Escritores de Galicia que non puido desenvolver o seu labor polo estoupido da Guerra Civil española pouco despois da súa constitución.

Asociación de Escritoras e Escritores en Lingua Galega
Nome curto	AELG
Instancia de	asociación profesional e organización de escritores
Persoas e organizacións
Presidente/a Cesáreo Sánchez Iglesias
Membro de European Writers' Council (en)
Data
Fundación	3 de maio de 1980
Localización
País	España
Fontes e ligazóns
Páxina WEB	aelg.gal
Redes
[ Wikidata ] [ C:Commons ]

A AELG celebrou o I Congreso de Escritores Galegos en 1981 e participou na organización dos encontros Galeusca con escritores cataláns e vascos. Durante anos estivo enfrontada á Real Academia Galega por considerala unha institución inmobilista que non traballaba a prol da cultura galega. A revista Escrita Contemporánea foi o seu voceiro oficial. Está recoñecida pola Academia Sueca para presentar candidatos oficiais ao Premio Nobel de Literatura e forma parte do Congreso de Escritores Europeos.

Ten a súa sede no Edificio de Sindicatos da cidade da Coruña.^[1] A 1 de xaneiro de 2019 a asociación contaba con 459 socios,^[2] nese ano convocou un Parlamento de Escritoras.^[3]

En 2022 foi Premio Rosalía de Castro de Lingua.^[4]

Presidentes

Sucesivamente:

• Carlos Mella
• Xosé María Álvarez Cáccamo (presidente interino)
• Bernardino Graña
• Antón Avilés de Taramancos
• Uxío Novoneyra
• Euloxio Ruibal
• Cesáreo Sánchez Iglesias

Composición do consello directivo

Cesáreo Sánchez, presidente da AELG.

• Presidencia: Cesáreo Sánchez Iglesias
• Vicepresidencia: Anna R. Figueiredo^[5]
• Secretaría Xeral: Cilha Lourenço
• Tesouraría: Marta Dacosta
• Vogalía de Novos Proxectos: Rosalía Fernández Rial
• Vogalía da Coruña: Antía Yáñez e Beatriz Maceda
• Vogalía de Lugo: Lois Pérez
• Vogalía de Vigo: Ledicia Costas
• Vogalía de Pontevedra: Montse Fajardo
• Vogalía de Santiago de Compostela: Daniel Asorey
• Vogalía de Ourense: Xoán Carlos Domínguez Alberte
• Vogalía de Relacións Internacionais: Xavier Queipo
• Vogalía de Cataluña: Alicia Fernández Rodríguez
• Vogalía de Literatura e Tradición Oral: Antonio Reigosa^[6]
• Vogalía de Literatura dramática: Alfonso Becerra

Escritor galego universal

Asociación de Escritoras e Escritores en Lingua Galega destaca aquelas autoras e autores que unen á excelencia literaria o compromiso ético que os converte en referentes na defensa da dignidade nacional e humana, honrando cada ano unha escritora ou escritor.^[7]

• 2006: Mahmoud Darwich^[8]
• 2007: Pepetela^[9][10]
• 2008: Nancy Morejón^[11]
• 2009: Elena Poniatowska^[12]
• 2010: Juan Gelman^[13]
• 2011: Antonio Gamoneda^[14]
• 2012: José Luis Sampedro^[15]
• 2013: Lídia Jorge^[16]
• 2014: Bernardo Atxaga^[17]
• 2015: Luiz Ruffato^[18]
• 2016: Pere Gimferrer^[19]
• 2017: Hélia Correia^[20]
• 2018: Isabel-Clara Simó^[21]
• 2019: María Teresa Horta^[22]
• 2020: Mariasun Landa^[23]
• 2021: José Luandino Vieira^[24]
• 2022: Ana Luísa Amaral^[25]

• 2023: Lydia Cacho^[26]