Active Cavity Radiometer Irradiance Monitor Satellite

ACRIMSAT (acrónimo de Active Cavity Radiometer Irradiance Monitor Satellite) é un satélite artificial da NASA lanzado o 21 de decembro de 1999 mediante un foguete Taurus desde a base Vandenberg da Forza Aérea, en California, como carga secundaria xunto ó satélite Arirang-1.

Active Cavity Radiometer Irradiance Monitor Satellite (ACRIMSAT)
ACRIMSAT
Tipo	Observatorio solar
Organización	NASA
Contratistas principais	Orbital Sciences Corporation[1]
Satélite de	Terra
Data de lanzamento	21 de decembro de 1999[2][3][4][5]
Foguete portador	Taurus[1][3]
Sitio de lanzamento	Base Vandenberg da Forza Aérea[3]
Obxectivo da misión	Medición da radiación solar.[3]
NSSDC ID	1999-070B
Masa	120 kg[1]
Dimensións	77,5 cm de ancho (178 cm cos paneis solares estendidos) e 66,0 cm de alto[6]
Potencia	80 vatios[6]
Datos orbitais
Semieixo maior	7069 km[2]
Inclinación	97,9 graos[2]
Apoapse	717,6 km[2]
Periapse	678,5 km[2]
v c e

Características

ACRIMSAT forma parte do Sistema de Observación Terrestre (Earth Observing System) da NASA e está adicado á medición da variación irradiancia solar total.^[1][3] A estrutura principal ten forma octogonal, cun ancho de 77,5 cm e un alto de 66,0 cm. Cos paneis solares estendidos a envergadura do satélite chega aos 178 cm. A potencia proporcionada polos paneis é de 80 vatios.^[6]

ACRIMSAT mideu o efecto do paso de Venus fronte o Sol o 8 de xuño de 2004 na irradiancia solar.^[7]

Instrumentos

ACRIMSAT usa como instrumento de medida o ACRIM-3, que mide a irradiancia cunha precisión mellor que o 0,1%. Os datos recollidos por ACRIM-3 estenden a medición da irradiancia feita polos instrumentos ACRIM-2 (a bordo do satélite UARS) e ACRIM-1 (a bordo do satélite Solar Maximum Mission en 1980).^[3]