Alfabeto galego

O alfabeto galego, segundo a representación gráfica moderna e oficial, ten 23 letras e 6 dígrafos, ademais dalgunhas letras (ç, j, k, w, e y) usadas en estranxeirismos, abreviaturas e símbolos internacionais.

Letra	Nome	Fonema(s) que representa
A	a	/a/
B	be	/b/
C	ce	/θ/ (+ e e i; /s/ en zonas con seseo); /k/ (+ a, o e u)
D	de	/d/
E	e	/e/, /ɛ/
F	efe	/f/
G	gue	/g/ /h/
H	hache
I	i	/i/, /j/
L	ele	/l/
M	eme	/m/
N	ene	/n/
Ñ	eñe	/ɲ/
O	o	/o/, /ɔ/
P	pe	/p/
Q	que	/k/
R	erre	/r/, /ɾ/
S	ese	/s/
T	te	/t/
U	u	/u/, /w/
V	uve	/b/
X	xe	/ʃ/, /ks/
Z	zeta ou ceta	/θ/ (/s/ en zonas con seseo)

Dígrafo	Nome	Fonema(s) que representa
ch	ce hache	/tʃ/
gu	gue u	/g/
ll	ele dobre	/ʎ/
nh	ene hache	/ŋ/
qu	que u	/k/
rr	erre dobre	/r/

Alfabeto galego
Instancia de alfabeto derivado do latino
Uso lingua galega
Wikidata

No galego medieval (galego-portugués), como en calquera outro estándar non codificado, existían moitas vacilacións na representación de sons. Por exemplo, para o son (/ɲ/) aparecen nos textos galegos representacións con n, nn, ñ, ni, etc. Tamén se empregaban as letras j, g, ç, e duplicacións, como -ss-, -ll-etc., que respondían probablemente a sons que se perderon no estándar actual, e sempre con bastante vacilación no seu emprego. Do mesmo xeito, moitas terminacións de palabras eran elididas ou abreviadas.

A partir da codificación posterior dos dialectos meridionais, o portugués desenvolveu unha serie de dígrafos característicos (lh (/ʎ/), nh (/ɲ/)), que empregan hoxe en día as persoas partidarias das correntes reintegracionistas.

Véxase tamén

Ligazóns externas

• s:Normativa oficial do galego - O alfabeto

---

Este artigo sobre lingüística é, polo de agora, só un bosquexo. Traballa nel para axudar a contribuír a que a Galipedia mellore e medre.  Existen igualmente outros artigos relacionados con este tema nos que tamén podes contribuír.

---