Apollo 1

Apollo 1 (tamén chamado Apolo/Saturno-204 ou AS-204) é o nome da misión Apollo programado para o seu lanzamento o día 21 de febreiro de 1967. Planificouse para ser a primeira misión tripulada do programa Apollo. Perante un ensaio de probas na plataforma de lanzamento (no complexo de lanzamento 34 de Cabo Canaveral) o 27 de xaneiro de 1967, produciuse un incendio na cabina de mando, causando a morte aos tres membros da tripulación (Virgil "Gus" Grissom, Edward H. White e Roger B. Chaffee) e resultando destruído o módulo. O nome da misión Apollo 1, que fora escollido pola tripulación para significar que era a primeira tripulada, foi oficialmente retirado pola NASA en conmemoración deles o 24 de abril de 1967.

Apollo 1
Insignia da misión
Datos da misión
Misión:	Apollo 1
Rampla de lanzamento:	Cabo Canaveral AFS, Florida LC 34
Engalaxe:	Planificado para o 21 de febreiro de 1967
Duración:	Planificado para mais de 14 días
Número de órbitas:	3
Apoxeo:	300 km (planeado)
Perixeo:	200 km (planeado)
Período:	89.7 min.(planeado)
Inclinación orbital:	31°(planeado)
Masa:	Total 20000 kg
Foto da tripulación
E-D: Grissom, White, e Chaffee
Outras misións
Anterior misión Seguinte misión Apollo 4

Inmediatamente despois do incendio, a NASA convocou o Consello de Revisión de Accidentes para determinar a causa do incendio. Aínda que a fonte do lume non chegou a ser identificada, as mortes dos astronautas foron atribuídas a unha ampla gama de erros na construción do módulo, que sería redeseñado para as seguintes misións. A fase tripulada do proxecto atrasouse uns 20 meses, ata a misión Apollo 7, para corrixir os problemas detectados (atmosfera de oxíxeno 100% puro a alta presión na cabina -altamente inflamable-, amoreamento de cablaxe, materiais non ignífugos, plásticos etc...).

Véxase tamén

Wikimedia Commons ten máis contidos multimedia na categoría:  Apollo 1

Outros artigos

• Proxecto Apollo

Ligazóns externas

• The Apollo 1 tragedy Artigo de Dr. David R. Williams (do Centro de Voo Espacial Goddard da NASA) adicado á traxedia do Apollo 1(en inglés)

---

Este artigo sobre astronomía é, polo de agora, só un bosquexo. Traballa nel para axudar a contribuír a que a Galipedia mellore e medre.  Existen igualmente outros artigos relacionados con este tema nos que tamén podes contribuír.

---