Gus Grissom

Virgil Ivan "Gus" Grissom, nado en Mitchell, Indiana, o 3 de abril de 1926 e finado o 27 de xaneiro de 1967, foi un astronauta estadounidense que formou parte das misións Mercury-Redstone 4 e Gemini 3.^[1][2]

Gus Grissom

Biografía
Nacemento	3 de abril de 1926 Mitchell, Estados Unidos de América (pt)
Morte	27 de xaneiro de 1967 (40 anos) Cape Canaveral, Estados Unidos de América (pt)
Causa da morte	morte accidental, smoke inhalation injury (en)
Lugar de sepultura	Cemiterio Nacional de Arlington, Section 3, Lot 2503-E, Grid Q-15/16 38°52′27″N 77°04′16″O
Educación	Escola de Pilotos de Probas da Forza Aérea dos Estados Unidos Universidade Purdue Mitchell High School (en)
Actividade
Ocupación	astronauta (1959–), instrutor de voo, oficial da forza aérea, astronauta, enxeñeiro mecánico, piloto de probas, escritor
Empregador	NASA, astronauta
Membro de	NASA
Carreira militar
Rama militar	Forza Aérea dos Estados Unidos de América
Rango militar	lieutenant colonel (en)
Conflito	Guerra de Corea
Tempo no espazo	5 horas e 7 minutos
Misión do astronauta	–Mercury-Redstone 4 –Gemini 3
Familia
Cónxuxe	Betty Grissom (1945–1967), morte
Cronoloxía
	voo sub-orbital (pt)
Premios
(1987)  Salón da Fama da Aviación Nacional (1981)  Salón Espacial Internacional da Fama (1 de outubro de 1978)  Medalla de Honra Espacial do Congreso (1969)  Medalla de Servizo Distinguido da NASA (1965)  Medalla de Servizo Distinguido da NASA (1965)  Medalla o Servizo Excepcional da NASA (1961)  Medalla de Servizo Distinguido da NASA  Medalla do Aire  Salón da Fama dos Astronautas dos Estados Unidos  Cruz de Voo Distinguido
Sinatura
Descrito pola fonte	Indiana Authors and their Books, 1967-1980 Enciclopedia soviética armenia, volume 3, (p.231)

Traxectoria

Grissom graduouse en enxeñería mecánica pola Universidade Purdue. Recibiu as súas ás como membro da Forza Aérea en marzo de 1951. Acadou o rango de tenente coronel, voou en 100 misións de combate na guerra de Corea. Ao seu regreso aos Estados Unidos, en 1952, foi nomeado instrutor de avións a reacción en Bryan (Texas). En agosto de 1955 entrou no Instituto Tecnolóxico da Forza Aérea na base Wright-Patterson, en Ohio. En outubro de 1956 deu clases na escola de pilotos de proba da base Edwards, volvendo a Wright-Patterson en maio de 1957 como piloto de probas.^[1][2]

Grissom foi un dos sete astronautas seleccionados pola NASA en abril de 1959 para o proxecto Mercury. Pilotou a cápsula Liberty Bell 7 durante a misión suborbital Mercury-Redstone 4 o 21 de xullo de 1961, un voo que durou 15 minutos e 37 segundos. Foi comandante da primeira misión tripulada do programa Gemini o 23 de marzo de 1965, a Gemini 3, unha misión na que a cápsula deu tres voltas á Terra.^[1][2]

Virgil Grissom faleceu o 27 de xaneiro de 1967 durante unha proba en terra da cápsula Apollo ao incendiarse o seu interior e non poder escapar. En honor aos astronautas falecidos a proba sería denominada Apollo 1.^[1][2]