Basidiomicetos

Os basidiomicetos (Basidiomycota) son unha división do reino Fungi que inclúe os fungos que producen basidios con basidiosporas. Contén os clásicos cogomelos e fungos con chapeu.

Basidiomicetos Basidiomycota
Basidiomycetes segundo Ernst Haeckel no seu libro Kunstformen der Natur de 1904.
Clasificación científica
Dominio: Eukarya Reino: Fungi Subreino: Dikarya Filo: Basidiomycota R.T. Moore, 1980[1]
Subfilos/Clases
Véxase no texto

Características

Este filo é o máis evolucionado e o máis coñecido pois comprende numerosos e variados tipos de fungos. Cando son de carácter heterotálico, o micelio primario sofre dicariotización (somatogamia ou espermatización) producindo hifas dicarióticas que corresponden ó micelio secundario. Nos fungos de carácter homotálico unha basidiospora produce o micelio dicariótico. Hai presenza de quitina nas paredes celulares, e aparecen unhas estruturas chamadas fíbulas, moi parecidas ós uncínulos dos ascomicetos.

Clasificación

Pholiota aurivella.

Os basidiomicetos clasifícanse en tres subfilos con diferentes clases:

• Subfilo Agaricomycotina
  • Clase Agaricomycetes
  • Clase Dacrymycetes
  • Clase Tremellomycetes
• Subfilo Ustilagomycotina
  • Clase Ustilaginomycetes
  • Clase Exobasidiomycetes
• Subfilo Pucciniomycotina
  • Orde Pucciniales