Basilea-Cidade

Basilea-Cidade (en alemán: Basel-Stadt, en francés: Bâle-Ville, en italiano: Basilea Città, en romanche: Basilea-Citad) é un semicantón de Suíza, localizado no norte do país, facendo fronteira con Alemaña e Francia. Está composto polos concellos de Bettingen, Riehen e Basilea, sendo este último a súa capital. Dos 26 cantóns de Suíza, o de Basilea-Cidade é o máis pequeno en superficie.

Basilea-Cidade

Kanton Basel-Stadt (de)
Brasón
Epónimo	Basilea
Localización
47°34′N 7°36′L
Estado federado	Suíza
Capital	Basilea
Contén a división administrativa	Basilea Bettingen Riehen
Escindido de	Basilea-Campo
Poboación
Poboación	200.973 (2021) (5.439,05 hab./km²)
Lingua oficial	lingua alemá
Xeografía
Parte de	North West Switzerland (en) Suíza noroccidental
Superficie	36,95 km²
Altitude	260 m
Punto máis alto	St. Chrischona (en) (522,19 m)
Punto máis baixo	Río Rin (244,75 m)
Comparte fronteira con	Basilea-Campo Alto Rin Baden-Württemberg Alsacia
Creación	1833
Organización política
Órgano lexislativo	Grand Council of Basel-Stadt (en) , (Escano: 100)
Membro de	Assemblée des Régions d'Europe
Identificador descritivo
Fuso horario	UTC+01:00, horario estándar UTC+02:00, horario de verán
ISO 3166-2	CH-BS
Código NUTS	CH031
Sitio web	bs.ch

Historia

O cantón de Basilea-Cidade foi creado cando o histótico cantón de Basilea foi dividido en 1833 por mor de disputas políticas e un conflito armado relacionados cos dereitos da poboación sobre as terras de cultivo. Isto levou á separación do cantón Basilea-Campo da cidade de Basilea o 26 de agosto de 1833. Dende entón, existe un movemento a prol da reunificación que acadou forza especialmente a partir do ano 1900, cando moitas áreas de Basilea-Campo se industrializaron. Os dous semicantóns acordaron reunirse, mais nas votacións que se realizaron en 1969 e novamente en 2014, a xente de Basilea-Campo votou en contra.

Política

Basilea-Cidade é un semicantón, o que supón que só pode enviar un representante ao Consello dos Estados. A constitución do cantón data de 1889 e o seu parlamento é o Gran Consello, que posúe 100 membros elixidos por un período de 4 anos. Hai oito partidos políticos diferentes representados no parlamento, dos que o Partido Socialista Suízo é o que posúe maior número de cadeiras, 32 (ano 2015).

O poder executivo do cantón (ou Regierungsrat) componse de sete membros. En 2006 había cinco partidos diferentes con representación no executivo.

Demografía

A poboación do cantón era de 198 290 habitantes o 31 de xaneiro de 2017.^[1] En 2007, había 56 106 estranxeiros que facían o 30.29% da poboación total.^[2] Segundo datos do ano 2000, o 25% dos habitantes eran católicos e o 27% protestantes. Arredor do 10% pertencía a outras relixións e o 36% non pertencía a ningunha relixión organizada.^[3]

Nacionalidades[4]	1990	2000	2010
Suíza	77.52 %	72.44 %	67.36 %
Alemaña	2.60 %	3.27 %	7.58 %
Italia	6.42 %	5.44 %	4.18 %
Turquía	3.27 %	4.38 %	3.56 %
Iugoslavia	2.79 %	3.13 %
Serbia Montenegro Kosovo			2.46 %
España	2.78 %	2.16 %	1.52 %
Portugal	0.42 %	0.79 %	1.35 %
Macedonia do Norte		1.12 %	1.17 %
Reino Unido	0.35 %	0.48 %	0.96 %
Francia	0.59 %	0.54 %	0.76 %
India	0.12 %	0.17 %	0.65 %
Estados Unidos	0.25 %	0.31 %	0.63 %
Austria	0.45 %	0.45 %	0.58 %
Croacia		0.81 %	0.54 %
Sri Lanka	0.30 %	0.63 %	0.49 %
Bosnia e Hercegovina		0.68 %	0.41 %
Países Baixos	0.18 %	0.21 %	0.32 %