Citidín difosfato

O citidín difosfato ou difosfato de citidina, abreviadamente CDP, é un nucleósido difosfato formado polo nucleósido citidina esterificado con dous grupos fosfato en forma de pirofosfato. A molécula consta dun azucre ribosa unida á base nitroxenada citosina por enlace N-glicosídico entre o carbono 1' da ribosa e o nitróxeno en posición 1 da base, e un grupo de dous fosfatos esterificados no carbono 5' da ribosa, e unidos entre si por enlace anhidro.

Citidín difosfato
Identificadores
Número CAS	63-38-7,  34393-59-4 (sal disodio)
PubChem	290
ChemSpider	5902
ChEBI	CHEBI:17239
ChEMBL	CHEMBL425252
Imaxes 3D Jmol	Image 1
SMILES O=P(O)(O)OP(=O)(O)OC[C@H]2O[C@@H](N/1C(=O)/N=C(/N)\C=C\1)[C@H](O)[C@@H]2O
InChI InChI=1S/C9H15N3O11P2/c10-5-1-2-12(9(15)11-5)8-7(14)6(13)4(22-8)3-21-25(19,20)23-24(16,17)18/h1-2,4,6-8,13-14H,3H2,(H,19,20)(H2,10,11,15)(H2,16,17,18)/t4-,6-,7-,8-/m1/s1 Key: ZWIADYZPOWUWEW-XVFCMESISA-N InChI=1/C9H15N3O11P2/c10-5-1-2-12(9(15)11-5)8-7(14)6(13)4(22-8)3-21-25(19,20)23-24(16,17)18/h1-2,4,6-8,13-14H,3H2,(H,19,20)(H2,10,11,15)(H2,16,17,18)/t4-,6-,7-,8-/m1/s1 Key: ZWIADYZPOWUWEW-XVFCMESIBF
Propiedades
Fórmula molecular	C9H15N3O11P2
Masa molecular	403,176422
Se non se indica outra cousa, os datos están tomados en condicións estándar de 25 °C e 100 kPa.

Durante certas biosínteses de lípidos e glícidos o CDP únese a outras moléculas para enerxizalas. No metabolismo de lípidos intervén formando CDP-etanolamina, molécula que une a etanolamina a un diacilglicérido, formando fosfatidiletanolamina ; tamén forma a CDP-colina, que une a colina a un diacilglicérido, formando fosfatidilcolina. Tamén intervén unido a outra molécula, formando o CDP-metileritrol, na ruta de síntese de terpenos pola vía alternativa á do mevalonato. Na síntese do polisacárido celulosa nas plantas os restos de glicosa necesarios chegan unidos a un nucleótido difosfato, que varía segundo a especie, e que nalgunhas especies é a CDP-glicosa ^[1]