CD Projekt

CD Projekt é unha empresa polaca de distribución e desenvolvemento de videoxogos. A empresa foi fundada en maio de 1994 por Marcin Iwinski e Michał Kiciński. A compañía converteuse na primeira editora de Polonia en publicar software en CD e durante moito tempo foi a única empresa polaca especializada na publicación de videoxogos, editando nese país títulos de grande éxito internacional como Baldur's Gate, Icewind Dale e Planescape: Torment, dispoñibles en polaco.

CD Projekt
Instancia de empresa empresa de capital aberto  Epónimo Compact Disc Read Only Memory
Forma xurídica spółka akcyjna
Industria industria dos videoxogos
Implicados  Director/a executivo/a Adam Kiciński
Organizacións  Entidades subsidiarias GOG.com Gram.pl (pt) CD Projekt RED The Molasses Flood (en)
Economía e industria  Produto ou servizo The Witcher  Bolsa de valores Bolsa de Valores de Varsóvia (pt)  Ingresos totais 2138875000 zł (2020)  Beneficio neto 1154327000 zł (2020)  Activos totais 2894478000 zł (2020)
Datas  Fundación / creación maio de 1994
Cronoloxía  Substituído por CD Projekt Investment CDP.pl
Localización  Sede Varsovia  Lugar de formación Varsovia  País Polonia
Identificadores VIAF 67144648408380246276 Freebase /m/03h0s01
Fontes e ligazóns  Páxina WEB cdprojekt.com Redes
Wikidata C:Commons

Lanzamentos

En febreiro de 2002, CD Projekt fundou unha nova sección especializada no desenvolvemento de xogos (do xénero RPG, ata o momento), denominado CD Projekt RED. O primeiro videoxogo producido foi The Witcher, baseado na serie de libros escrita por Andrzej Sapkowski. Tamén en 2002, ampliaron o seu negocio de distribución á República Checa e Eslovaquia.

En xullo de 2008, inaugurou o seu servizo de distribución dixital Good Old Games (renomeado a GOG.com) especializado na venda de xogos clásicos de ordenador a escala internacional.

O 17 de maio de 2011 CD Projekt RED publicou The Witcher 2: Assassins of Kings, secuela de The Witcher.

O 30 de maio de 2012 CD Projekt anunciaron un novo xogo: Cyberpunk 2077, baseado no famoso xogo de rol de mesa dos 80. Posteriormente publicaron o 10 de xaneiro un teaser no que afirman que o xogo se lanzaría cando estivera terminado para asegurar a calidade do título. Ao final dese mesmo teaser inseriron unha pequena mensaxe na que se informou do avanzado estado de desenvolvemento doutro proxecto, mantido no máis absoluto secreto ata o momento. Días máis tarde confirma que este proxecto é The Witcher 3: Wild Hunt e anunciaron a súa data de saída o 19 de maio de 2015 para Windows e macOS e consolas de nova xeración.

O 10 de decembro de 2020 estrearon o Cyberpunk 2077, adaptación do xogo de rol Cyberpunk 2020.

Véxase tamén

Wikimedia Commons ten máis contidos multimedia na categoría:  CD Projekt