Callaecos

Os callaecos^[1] (en latín: Callaeci) eran unha antiga tribo celta de Gallaecia, un pobo galaico bracarense^[2] que deu nome a toda a rexión de Gallaecia.^[3] A teoría máis posible é que Décimo Xunio Bruto deu o nome de callaeci a todos os pobos que foi atopando na súa campaña logo de cruzar o río Douro cara ao norte.^[4][5] Estrabón recolle este nome para denominar a tódolos pobos da rexión do noroeste peninsular por ser os outros pobos «demasiado pequenos e demasiado escuros».

Callaecos
Instancia de	tribo e grupo étnico histórico
Parte de	galaicos
Localización
Localización	Porto e Douro Litoral
Países Portugal
Rexión histórica	Hispania
Provincia romana	Gallaecia
[ Wikidata ]

A súa localización exacta foi obxecto de debate e o historiador romano Plinio noméaos como un dos pobos do convento bracarense, na zona achegado a Bracara Augusta.^[6] Outros autores sitúannos no val do Limia a carón da serra do Xurés, onde existe unha parroquia chamada Galez, no concello ourensán de Entrimo.^[3]

Na historiografía

Existen numerosas referencias históricas ós callaecos, sendo nomeado por vez primeira por Appio, no ano -139, durante a campaña de Quinto Servilio Cepión. O xeneral romano Décimo Xunio Bruto Galaico na súa expedición de 138-136 a.C obtivo o alcume de "Callaicus" ou "Callaecus" (gañador contra os Callaeci/Gallaeci)^[7] polas súas vitorias sobre os callaecos.