Clostridium pasteurianum

Clostridium pasteurianum (anteriormente chamada Clostridium pastorianum) é unha especie de bacteria descuberta en 1890 polo microbiólogo ruso Sergei Winogradsky. Foi o primeiro microorganismo de vida libre (non simbiótico) descuberto que podía fixar o nitróxeno libre do aire.^[4]

Clostridium pasteurianum
Clasificación científica
Dominio: Bacteria Filo: "Firmicutes" Clase: Clostridia Orde: Clostridiales Familia: Clostridiacea Xénero: Clostridium Especie: Clostridium pasteurianum Winogradsky, 1895[1] cepa_tipo = 5, ATCC 6013, BCRC 10942, CCRC 10942, CCT 0203, CCUG 31328, CECT 377, DSM 525, DSMZ 525, E. McCoy 5, FIRDI 942, IMET 11346, IMG 1584 b, IZ 563, JCM 1108, JCM 1408, KCTC 1674, L.S. McClung 2300, LMAU C85, LMG 3285, LMG 5709, McClung 2000, McClung 2300, McClung L.S. 2300, McClung L.S., 2300, McCoy 5, McCoy E. 5, NCDO 1845, NCFB 1845, NCIB 9486, NCIMB 9486, VKM B-1774, W-5, Winogradsky W-5[2]
Sinonimia[3]
Clostridium pastorianus (sic) Winogradsky 1902 Bacillus pasteurianus (Winogradsky 1895) Lehmann and Neumann 1907 Bacillus pastorianus (Winogradsky 1902) Lehmann and Neumann 1907 Bacillus winogradsky Matzuschita 1902 Butyribacillus pasteurianus (Winogradsky 1895) Orla-Jensen 1909

Clostridium pasteurianum é un produtor de ácidos carboxílicos.^[5] Ten a capacidade de converter carbohidratos a butirato, acetato, dióxido de carbono e hidróxeno molecular por medio da fermentación. Igual que Clostridium acetobutylicum, Clostridium pasteurianum tamén ten a capacidade de cambiar da produción de ácido á de substancias que se usan industrialmente como disolventes en certas condicións, Realizáronse varios intentos de documentar as súas condicións de crecemento; porén, aínda non está claro se os parámetros de crecemento que se sabe orixinan unha produción de disolventes favorable en C. acetobutylicum xogan un papel significativo na regulación do metabolismo de C. pasteurianum de xeito similar. Produce a alteración gasosa de froitas doces enlatadas e tomates e non se desenvolve a un pH inferior a 3,7.^[6]

C. pasteurianum é un organismo mesófilo.^[7]

Taxonomía

Inicialmente recibiu o nome de Clostridium pastorianum dado por Winogradsky, pero posteriormente foi cambiado á súa ortografía actual.^[4]

Morfoloxía

Clostridium pasteurianum é unha bacteria grampositiva grande con forma de bacilo e formadora de esporas. É unha bacteria do solo e un anaerobio obrigado.^[4]