Composto cuaternario

En química, un composto cuaternario é un catión que consiste nun átomo central cargado positivamente con catro substituíntes, especialmente grupos orgánicos (alquilo e arilo), excepto átomos de hidróxeno.^[1]

Catión de amonio cuaternario. O R' pode ser o mesmo grupo ou diferentes grupos. Poden tamén estar conectados ciclicamente.

Os compostos cuaternarios mellor coñecidos son os sales de amonio cuaternario, que teñen un átomo de nitróxeno no centro.^[2] Por exemplo, na seguinte reacción, o átomo de nitróxeno dise que está cuaternizado, xa que pasou de 3 a 4 substituíntes:

${\displaystyle \mathrm {R_{3}N+RCl\longrightarrow R_{4}N^{+}\ Cl^{-}} }$

Outros exemplos son os sales de fosfonio substituídos (R₄P⁺), os sales de arsonio substituídos (R₄As⁺) como a arsenobetaína, e tamén algúns supercondutores que conteñen arsénico.^[3] Tamén se describiron sales de estibonio substituídos (R₄Sb⁺)^[4] e sales de bismutonio substituídos (R₄Bi⁺).^[5]