Concello de Conxo

Conxo foi un antigo concello de Galicia que funcionou como unidade administrativa entre 1835 e 1925 en que foi anexionado ao concello de Santiago de Compostela.

Para outras páxinas con títulos homónimos véxase: Conxo.

Concello de Conxo

Localización
Estado	España
Comunidade autónoma	Galicia
Provincia	provincia da Coruña
Datos históricos
Creación	1835
Disolución	1925

Xeografía

O concello comprendía as parroquias de Conxo, Laraño, Villestro, Figueiras, O Eixo, Aríns, Bando e Marrozos. Parte do actual ensanche compostelán e das actuais parroquias de Vidán, Santa Marta e o Castiñeiriño foron escindidas na súa maior parte da de Conxo.

Lugares de Conxo cara a 1910

En torno a 1910 Conxo estaba composto polas seguintes sesenta e seis entidades de poboación^[1], distribuídas en oito parroquias:

• San Martiño de Aríns: Andrade, A Cacharela, A Devesa, O Igrexario, Lobio, A Pena, Sanxuás e A Torre Branca
• Santa Eulalia de Bando: Bando de Abaixo
• Santa María de Conxo: Rúa de Conxo, O Casal, Campos de San Xosé^[2], Castiñeiriño, O Combarro, Conxo de Arriba, Cornes, Choupana, A Fervenza, Outeiro, Paidacana, O Porto, A Poza Real, A Ponte Pereda, O Rial, Rocha, San Xosé, Torrente e Vidán
• San Cristovo do Eixo: Bornais, O Eixo e Piñeiro
• Santa María de Figueiras: Codesedas, Correxíns, Chouchiños, Folgoso, Xulacasa e As Moas de Arriba
• San Martiño de Laraño: A Barcia, Coira, A Igrexa, Lamas, Pardiñas de Abaixo, Pardiñas de Arriba, Paredes^[3], O Rial, Riobó^[4] e Santomil
• Santa María de Marrozos: Aldrei, Ardagán, Corexo, Gamás, Marrociños, O Sisto e A Susana
• Santa María de Villestro: Carballal, Carlexo, Feáns, Fraiz^[5], Pedrido, Portela, Quintáns, Reborido, Roxos, Silvouta, Tras Igrexa e Vilastrexe

Historia

Constituíuse en 1835 como concello independente. Un acto importante na historia de Conxo é o chamado Banquete de Conxo, que tivo lugar en 1856 con Eduardo Pondal e Aurelio Aguirre á cabeza. En 1925 foi anexionado ao concello de Santiago de Compostela. O derradeiro alcalde de Conxo foi José Lema Martínez.

Neste concello naceron a poetisa Rosalía de Castro (1837) e o toureiro Eduardo Nogueira Pereira, El Lavadito (1897).

Listaxe dos alcaldes de Conxo

Esta é unha listaxe incompleta dos alcaldes que tivo o antigo Concello de Conxo. As datas de goberno expresadas son aproximadas^[6].

Reinado de Isabel II

Rexencia de María Cristina de Borbón (29/09/1833 - 17/10/1840)

• 1837-1839: Domingo Fernández

Rexencia de Espartero (17/10/1840 - 23/07/1843)

• 1840-1842: Juan Cajide Casal

Maioría de Idade (23/07/1843 - 03/05/1844)

Década Moderada (03/05/1844 - 18/07/1854)

• 1850-1854: José Fernández Robles

Bienio Progresista (18/07/1854 - 14/07/1856)

• 04/08/1854-??: suspensión do Concello de Conxo e agregación ao de Santiago
• 1855-1856: Pedro Rodríguez (1ª vez)

Bienio Moderado (14/07/1856 - 30/06/1858)

• 1856-1858: Tomás Seoane Pérez

Gobernos da Unión Liberal (30/06/1858 - 02/03/1863)

• 1858-1860: Pedro Rodríguez (2ª vez)
• 1860-1862: Domingo Aldrey

Crise Final (02/03/1863 - 19/09/1868)

• 1863-1863: Manuel Villanueva
• 1864-1868: Manuel Seoane Suárez (1ª vez)

Goberno Provisional

Período que se estende entre o 19 de setembro de 1868 e o 2 de xaneiro de 1871.

• 1868-1871: Bernardo Fontáns

Reinado de Amadeu I

Período que se estende entre o 2 de xaneiro de 1871 e o 11 de febreiro de 1873.

• 1871-1880: Manuel Seoane Suárez (2ª vez)

Primeira República

Período que se estende entre o 11 de febreiro de 1873 e o 29 de decembro de 1874

Restauración borbónica

Reinado de Afonso XII (1874 - 1885)

• 1880-1885: Antonio Vidal Mareque

Rexencia de María Cristina (1885 - 1902)

• 1885-1887: Domingo Vidal Devesa
• 1887-1889: Antonio Froilán Rey
• 1889-1891: Santiago Rey
• 1891-1892: Diego Albardonedo Varela
• 1893-1900: Luis Torre de la Calle
• 1900-1904: Manuel Seoane Suárez (3ª vez)

Reinado de Afonso XIII (1902 - 1923)

• 1904-1906: Ignacio Baliñas Pérez
• 1907-1910: José Rey Villanueva
• 1911-1913: Benito Vidal de la Iglesia
• 1913-02/04/1920: José Rivas Seoane
• 02/04/1920-04/05/1920: José Viaño
• 04/05/1920-outubro de 1923: Antonio González Botas

Ditadura de Miguel Primo de Rivera (1923 - 1930)

• outubro a novembro de 1923: Comisión Militar
• novembro de 1923-11/01/1924: Manuel Cepeda Ruibal
• 11/01/1924-15/05/1925: José Lema Martínez