Eberhard August Wilhelm von Zimmermann

Eberhard August Wilhelm von Zimmermann, nado o 17 de agosto de 1743 en Uelzen,^[1] Ducado de Brunswick-Luneburgo e finado o 4 de xullo de 1815 en Brunswick (en alemán: Braunschweig),^[1] Ducado de Brunswick, foi un xeógrafo e zoólogo alemán.

Eberhard August Wilhelm von Zimmermann

Biografía
Nacemento	17 de agosto de 1743 Uelzen, Alemaña
Morte	4 de xullo de 1815 (71 anos) Braunschweig, Alemaña
Geheimrat (pt)
Datos persoais
Residencia	Ducado de Brunswick
Educación	Universidade de Gotinga Universidade de Leiden Universidade de Halle-Wittenberg
Actividade
Ocupación	xeógrafo, profesor universitario, filósofo, zoólogo, físico
Empregador	Universidade Técnica de Braunschweig
Membro de	Academia de Ciencias de Baviera Academia de Ciencias de Rusia Academia das Ciencias de San Petersburgo Academia de Ciencias de Gotinga Academia Prusiana das Ciencias
Obra
Abreviatura do autor en zooloxía	Zimmermann
Descrito pola fonte	Nordisk familjebok Allgemeine Deutsche Biographie Dicionario Enciclopédico Brockhaus e Efron

Traxectoria

Eberhard August Wilhelm von Zimmermann estudou desde 1761 a 1765 historia natural (medicina), filosofía, matemáticas e xeografía nas universidades de Leiden, Halle e Gotinga (e quizais tamén na de Berlín con Leonhard Euler). Graduouse en Gotinga en matemáticas (xeometría) cunha tese sobre a análise das curvas titulada Curvarum imbricatarum consideratio analytica.^[2]

A partir de 1766 foi profesor de matemáticas, física e historia natural no Collegium Carolinum en Braunschweig.

Zimmermann é famoso por ser o autor de Specimen Zoologiae Geographicae Quadrupedum (1777), unha das primeiras obras dedicadas á distribución xeográfica dos mamíferos.

En 1778 foi nomeado membro da Academia de Ciencias de Gotinga e máis adiante tamén dotras academias, como a Academia de Ciencias de Baviera, en 1808.

En 1796 foi elevado á dignidade de Par do Imperio (do Sacro Imperio Romano-Xermánico).

En 1801 foi relevado dos seus compromisos no ensino, dedicándose a traballar nas sías puiblicacións.

Principais obras

• Geographische Geschichte des Menschen und der vierfüßigen Tiere, Leipzig 1778-1783, dous volumes.
• Über die Kompressibilität und Elastizität des Wassers, Leipzig 1779.
• Frankreich und die Freistaaten von Nordamerika, Berlín 1795
• Allgemeine Übersicht Frankreichs von Franz I bis auf Ludwig XVI, Berlin 1800, dous volumes.
• Taschenbuch der Reisen, Leipzig 1802-13, 12 Jahrgänge.
• Die Erde und ihre Bewohner, Leipzig 1810-13, cinco volumes.

Abreviatura

A abrteviatura Zimmermann enprégase para recoñecer a Eberhard August Wilhelm von Zimmermann como autoridade na descricíón e taxonomía en zooloxía.