Estrinximento

O estrinximento^[1] (do latín: stringĕre, apertar, comprimir) ou apertamento,^[2] é unha condición que consiste na falta de movemento regular dos intestinos, o que produce unha defecación infrecuente ou con esforzo, xeralmente de feces escasas e duras. A frecuencia defecatoria normal varía entre persoas, dende un par de veces ao día até tres veces á semana. Pode considerarse un trastorno segundo altere ou non a calidade de vida. O termo médico desta condición é constipación.^[3]

Estrinximento
Estrinximento visto a través de raios X. Os círculos sinalan áreas de materia fecal (as feces están rodeadas de branco debido ao gas dos intestinos).
Instancia de	clase de doenza e sinal de síntoma
Subclase de	disfunção intestinal (pt) , sinal clínica, feces and droppings symptom (en) e doenza
Especialidade médica	gastroenteroloxía
Fármacos usados de tratamento Polietilenglicol Lactulose (pt) naloxegol (en) methylnaltrexone (en) lubiprostone (en) linaclotide (en) lubiprostone (en) sennoside A (en) vaginal splinting (en) Plecanatide (pt) digital disimpaction (en) linaclotide (en) docusate (en) hidróxido de magnésio (pt) Lactulose (pt) Tegaserode (pt) glicerol polycarbophil calcium (en) bisacodil (pt) cisaprida (pt) Sorbitol digital fecal evacuation (en)
Fontes e ligazóns
MeSH	D003248
Thesaurus do NCI	C37930
CIAP-2	D12
DiseasesDB	3080
MedlinePlus	003125
Descrito pola fonte Dicionario Enciclopédico Brockhaus e Efron Q24412046 Pequeno Dicionario Enciclopédico de Brockhaus e Efron Q24732851 Meyers Konversations-Lexikon, 4ª edición (1885–1890) Q112790944 , Q112814133 The Domestic Encyclopædia; Or, A Dictionary Of Facts, And Useful Knowledge Domestic Encyclopædia (1802)/Costiveness (en)
Aviso médico. Advertencia: A Wikipedia non dá consellos médicos. Se cre que pode requirir tratamento, por favor, consúltello ao médico. [ Wikidata ] [ G:Commons ] [ C:Commons ]

Concepto

Unha persoa estrinxida ten menos evacuacións do normal. A defecación é dura e seca, e ás veces é doloroso expulsala. A persoa pode sentirse inchada e tensa.

Aínda que cada organismo ten un número regular de evacuacións, unha persoa saudable pode defecar sen problemas un mínimo de dúas veces ao día. Todo depende dos alimentos que consuma ou canto exercicio faga, ademais doutros factores.

Etioloxía

O estrinximento non é unha doenza, senón un síntoma con moitas causas. A miúdo prodúcese por inxerir alimentos con pouca cantidade de fibra, falta de exercicio físico, inxesta de pouco líquido (sobre todo auga) ou demorar a defecación. Tamén é frecuente durante o embarazo. Algúns medicamentos poden causar estrinximento, como a codeína, certos antidepresivos que poden suprimir a acetilcolina e os opiáceos que poden retardar o movemento de alimentos no intestino. O estrinximento como resultado dunha escasa deambulación ou a inmobilidade debe ser considerado especialmente nos anciáns.

Diversas enfermidades poden provocar estrinximento, tales como:^[4]

• A síndrome do intestino irritable.^[5]
• A enfermidade celíaca. En ocasións, pode ser moi rechamante e constituír o síntoma principal.^[6]
• A sensibilidade ao glute non celíaca.^[5]
• O hipotiroidismo.
• Certos trastornos neurolóxicos.
• O cancro de colon.