Fariña

A fariña é un po resultante de moer o gran, xeralmente dos cereais (especialmente trigo, millo etc). É o principal ingrediente do pan, o alimento básico en moitas partes do mundo. Tamén se obtén fariña dalgúns legumes e de froitos secos, como a soia e a améndoa.

Detalle de plantación de trigo.

Para outras páxinas con títulos homónimos véxase: Fariña (homónimos) e Fariñas.

Fariña.

A fariña é rica en amidón, que é un hidrato de carbono complexo. Cando a fariña se mestura con auga, o glute, unha proteína, actúa dándolle unha estrutura elástica á masa que permite "traballala" e que reteña burbullas de gas, o que resulta nunha textura final esponxosa. Este é un efecto buscado no pan, pasteis etc.

Algúns individuos padecen dunha intolerancia ao glute denominada celiaquía ou enfermidade celíaca, o que lles impide comer pan, pastas, pasteis ou calquera produto derivado do trigo, avea ou cebada, cereais que conteñen glute, pero hoxe pódense atopar no mercado produtos derivados de fariña sen glute.

Composición

Fariña saíndo da roda

Composición da fariña de trigo por cada 100 g:

Tipo	Integral	Refinada	Reforzada
Auga	10,27 g	11,92 g	11,92 g
Enerxía	339 kcal	364 kcal	364 kcal
Graxa	1,87 g	0,98 g	0,98 g
Proteína	13,70 g	15,40 g	15,40 g
Hidratos de carbono	72,57 g	76,31 g	76,31 g
Fibra	12,2 g	2,7 g	2,7 g
Potasio	405 mg	107 mg	107 mg
Fósforo	346 mg	108 mg	108 mg
Ferro	4,64 mg	3,88 mg	4,64 mg
Sodio	5 mg	2 mg	2 mg
Magnesio	138 mg	22 mg	22 mg
Calcio	34 mg	15 mg	15 mg
Cobre	0,38 mg	0,14 mg	0,14 mg
Cinc	2,93 mg	0,70 mg	0,70 mg
Manganeso	3,79 mcg	0,682 mcg	0,682 mcg
Vitamina C	0 mg	0 mg	0 mg
Vitamina A	0 UI	0 UI	0 UI
Vitamina B1 (Tiamina)	0,4 mg	0,1 mg	0,7 mg
Vitamina B2 ( Riboflavina)	0,215 mg	0,04 mg	0,494 mg
Vitamina B3 (Niacina)	6,365 mg	0 mg	5,904 mg
Vitamina B6 (Piridoxina)	0,341 mg	0,044 mg	0,2 mg
Vitamina E	1,23 mg	0,06 mg	0,06 mg
Ácido fólico	44 mcg	0 mcg	128 mcg

Fonte: Administración de Drogas dos EUA.

Tipos de fariña segundo a elaboración

Peneira para separar a fariña do farelo

Fariña de garavanzos..JPG

Fariña de pataca

• Fariña refinada: fariña que se separou do farelo despois da moenda. Ten un aspecto máis branco e fino.
• Fariña integral: fariña directamente obtida do proceso de moedura. Ten un aspecto máis escuro.

Tipos de fariña de orixe vexetal

• Fariña de arroz: utilízase na cociña do sueste asiático.
• Fariña de mandioca: utilízase en Paraguai, a Arxentina e o Brasil.
• Fariña de castaña: utilízase en Córsega, no Périgord (Francia) e en Italia.
• Fariña de garavanzo: empregada en rebozados e fritos na India.
• Fariña Leudante: fariña común con lévedos que se usa na elaboración de sobremesas.
• Fariña de forza: fariña con alto contido de proteínas (glute), polo menos 12% de proteína ao peso.
• Fariña de chícharos: utilízase na cociña India.
• Fariña de pedrelo: utilízase nas migas de fariña e emprega pedrelo, as gachas e para o rebozado denominado á andaluza no peixe fritido.
• Fariña milla: procedente do millo.
• Fariña centea: procedente do centeo.
• Fariña de soia: procedente da soia.
• Fariña de fabas: procedente da faba.
• Fariña de pataca: procedente da pataca.

Tipos de fariña de orixe animal

• Fariña de peixe
• Fariña de óso
• Fariña de sangue
• Fariña de plumas

Véxase tamén

Wikimedia Commons ten máis contidos multimedia na categoría:  Fariña

Outros artigos

• Pan
• Muíño
• Trigo
• Millo

Ligazóns externas

• Información nutricional (en castelán)
• De la farine au pain Arquivado 20 de xullo de 2012 en Wayback Machine. (en francés)
• Fariña de mandioca Arquivado 17 de xaneiro de 2012 en Wayback Machine. (en portugués)