Frutosa

A frutosa, tamén chamada comercialmente levulosa, debido ao sentido de rotación da luz polarizada, é unha forma de azucre encontrada nas froitas e no mel. É un monosacárido coa mesma fórmula empírica que a glicosa pero con diferente estrutura. É unha hexosa (6 átomos de carbono). O seu poder enerxético é de 4 quilocalorías por cada gramo.

D-Frutosa
Nome IUPAC Frutosa
Nome sistemático 1,3,4,5,6-Pentahidroxihex-2-ona
Outros nomes azucre de froita,[1] levulosa,[2] D-frutofuranosa, D-frutosa, D-arabino-hexulosa
Identificadores
Número CAS	57-48-7
PubChem	11769129
ChemSpider	388775
UNII	6YSS42VSEV
Número CE	200-333-3
KEGG	C02336
ChEBI	CHEBI:28645
ChEMBL	CHEMBL604608
Código ATC	V06DC02
Imaxes 3D Jmol	Image 1
SMILES O[C@H]1[C@H](O)[C@H](O[C@]1(O)CO)CO
InChI InChI=1S/C6H12O6/c7-1-3-4(9)5(10)6(11,2-8)12-3/h3-5,7-11H,1-2H2/t3-,4-,5+,6-/m1/s1 Key: RFSUNEUAIZKAJO-ARQDHWQXSA-N InChI=1/C6H12O6/c7-1-3-4(9)5(10)6(11,2-8)12-3/h3-5,7-11H,1-2H2/t3-,4-,5+,6-/m1/s1 Key: RFSUNEUAIZKAJO-ARQDHWQXBD
Propiedades
Fórmula molecular	C6H12O6
Masa molar	180,16 g mol−1
Densidade	1,694 g/cm3
Punto de fusión	103 °C
Se non se indica outra cousa, os datos están tomados en condicións estándar de 25 °C e 100 kPa.

Todas as froitas naturais teñen certa cantidade de frutosa (a miúdo xunto con glicosa), que poden ser extraídas e concentradas para facer un azucre alternativo.

Efectos sobre a saúde

Frutosa

Valor nutricional por 100 g
Enerxía	368 kcal (1 540 kJ)
Carbohidratos	100 g
Graxas	0 g
Proteínas	0 g
Minerais	Cantidade %DV†
Calcio	0% 0 mg
Ferro	1% 0.1 mg
Fósforo	0% 0 mg
Potasio	0% 0 mg
Sodio	1% 12 mg
Ligazón á base de datos USDA
Units μg = microgramos • mg = miligramos IU = Unidades internacionais
†As porcentaxes son aproximadas empregando a recomendación de US para os adultos. Fonte: Base de datos USDA Nutrient

Utilizase como edulcorante para os diabéticos xa que tomado en doses moderadas non precisa insulina para ser metabolizado. A diferenza do azucre refinado que se absorbe instantaneamente producindo unha subida e unha baixada rápida de enerxía, a frutosa, é metabolizada e gardada, en parte, polo fígado en forma de glicóxeno como reserva para cando necesitemos facer un esforzo.

A frutosa produce escasos efectos no nivel de glicosa no sangue e non estimula a secreción de insulina.

A frutosa ten o mesmo valor calórico que a glicosa, 400 Kcal por 100 g, pero como adoza máis que a glicosa, precísase en menor cantidade e, consecuentemente, consómense menos calorías.

Moitas persoas, sen sabelo, son máis ou menos intolerantes á frutosa e non poden asimilar ben alimentos cun alto contido deste azucre. Díse que sofren intolerancia á frutosa. Neste caso a frutosa depende da glicosa para que sexa absorbida nos intestinos e finalmente pase ao torrente sanguíneo. Os transportadores de membrana GLUT-5 e GLUT-2 son os encargados destes fenómenos de transporte. A absorción de frutosa en ausencia de glicosa é moi baixa, acumulándose no intestino groso onde serve de alimento á flora que nel reside producindo gases. A inxesta dun exceso de frutosa tamén favorece a retención de auga. Estes efectos dan lugar á expansión do abdome, flatulencia, excrementos non compactos e mesmo diarrea, dependendo das cantidades inxeridas doutros factores.

Galería

• 
  D-frutosa, reprentación de Fischer
• 
  fórmula de Haworth da α-D-frutofuranosa
• 
  fórmula de Haworth da β-D-frutofuranosa
• 
  fórmula de Haworth da α-D-frutopiranosa