GEOS 3

GEOS 3 (acrónimo de Geodetic Earth Orbiting Satellite) foi un satélite artificial da NASA lanzado o 9 de abril de 1975 mediante un foguete Delta 1410 desde a base Vandenberg da Forza Aérea.^[2][6]

GEOS 3
GEOS 3
Tipo	Observación terrestre.
Organización	NASA
Destino actual	Retirado
Satélite de	Terra
Data de lanzamento	9 de abril de 1975, 23:58 GMT[1][2][3][4]
Foguete portador	Delta 1410[2][5]
Sitio de lanzamento	Base Vandenberg da Forza Aérea[2]
Obxectivo da misión	Estudos xeodésicos.[2]
NSSDC ID	1975-027A
Masa	340 kg[2][6]
Datos orbitais
Semieixo maior	7208 km[1]
Inclinación	115,0 graos[1]
Apoapse	845,0 km[1]
Periapse	829,1 km[1]
v c e

Características

A misión de GEOS 3, ao igual que a dos seus predecesores Explorer 29 (GEOS 1) e Explorer 36 (GEOS 2), foi realizar estudos xeodésicos. GEOS 3 non pertencía ao programa Explorer. O satélite tiña forma de octaedro de 1,22 m de diámetro e 1,11 m de altura coroado por unha pirámide truncada cun reflector parabólico na parte contraria. Un mastro estendíase 6,1 m a partir da pirámide truncada un anel de retrorreflectores láser rodeaba a antena parabólica.^[2][5][6]

Entre os obxectivos de GEOS 3 estaba un experimento de altimetría para calibrar outros sistemas de radar en banda C e facer un experimento de seguimento entre satélites xunto co satélite ATS 6 usando tranpondedores en banda S.^[2][5][6]

Instrumentos

GEOS 3 levaba a bordo sete instrumentos:^[2][5][6]

• Sistema de retrorreflectores.
• Dúas antenanas en banda C.
• Unha antena en banda S.
• Unha antena de retransmisión ATS.
• Unha antena en VHF.
• Un altímetro radar.
• Unha baliza Doppler.