Gemmatimonadetes

As Gemmatimonadetes (phyl. nov.) son un pequeno filo de bacterias, que comprende unha soa familia. O primeiro membro deste grupo descubriuse en 2003 na lama dun sistema de tratamento de augas residuais e denominouse Gemmatimonas aurantiaca, que era un bacilo gramnegativo aerobio, que parecía que se replicaba por xemación, vivía optimamente a 30 °C e pH 7. As secuencias de ARNr 16S tomadas de mostras ambientais indican que este filo debe estar máis difundido na natureza.^[1]

Gemmatimonadetes
Gemmatimonas aurantiaca
Clasificación científica
Dominio: Bacteria Filo: Gemmatimonadetes Clase: Gemmatimonadetes Orde: Gemmatimonadales Familia: Gemmatimonadaceae Xénero: Gemmatimonas Especie: G. aurantiaca
Nome binomial
Gemmatimonas aurantiaca H. Zhang et al., 2003[1]

Este filo agrúpase ás veces con Bacteroidetes, Chlorobi, Fibrobacteres, Caldithrix e o grupo mariño A para formar o grupo FCB ou superfilo.