George Wendt

George Wendt, nado o 17 de outubro de 1948 en Chicago, Illinois, e finado nos Ánxeles o 20 de maio de 2025,^[1] foi un actor estadounidense.

George Wendt

Biografía
Nacemento	(en) George Robert Wendt Jr 17 de outubro de 1948 Chicago, Estados Unidos de América
Morte	20 de maio de 2025 (76 anos) Studio City, Estados Unidos de América
Causa da morte	parada cardiorrespiratoria insuficiencia cardíaca doenza arterial coronaria
Educación	Rockhurst University (en) Universidade de Notre Dame (pt) Campion High School (en)
Actividade
Ocupación	actor de cinema, actor de teatro, actor de televisión, humorista
Período de actividade	1978 -
Profesores	Del Close (pt)
Familia
Parentes	Jason Sudeikis, sobriño

Carreira

O primeiro papel de Wendt foi de actor secundario en Somewhere in time, un filme de ciencia ficción escrito por Richard Matheson, estreado en galego como Algures no tempo,^[2] protagonizado por Christopher Reeve, Jane Seymour e Christopher Plummer.

Cheers

O papel máis famoso de George Wendt é probabelmente o cliente habitual Norm Peterson na serie de televisión Cheers, sentado no bar e tomando cervexa. É o único actor, xunto a Ted Danson e Rhea Perlman, que aparece en todos os episodios de Cheers. Wendt tamén é o único actor que interpretou ao mesmo personaxe en sete series de TV diferentes: alén de Cheers, interpretou a ese personaxe convidado en Family Guy, Frasier, St. Elsewhere, The Simpsons, The Tortellis e Wings. Ademais, participou na serie Hot in Cleveland en 2011 cando o amish Joden ao entrar no Amischbar, é recibido polos presentes cun "Olá Joda" e o camareiro lembra a Woody Harrelson, o camareiro de Cheers. O personaxe tamén foi mencionado en A Nanny.

Wendt foi nomeado seis veces ao Emmy polo seu papel en Cheers.

Outros papeis

Apareceu noutras series como M*A*S*H, Columbo, Seinfeld, Sabrina - The Teenage Witch, no videoclip de Michael Jackson Black or White facendo de pai de Macaulay Culkin, e en programas como The Masked Singer.^[3]

Wendt tamén estivo activo como actor de teatro. A finais dos anos 90 estivo no London Theater Wyndham con Yasmina Reza; en 2012, interpretou a Dean na versión musical do filme Re-Animator.^[4]

Familia

George Wendt estivo casado con Bernadette Birkett e tiveron tres fillos: Hilary, Joe, e Daniel.^[5] Era neto do fotógrafo Tom Howard e tío do actor Jason Sudeikis.^[6]

Notas

1. Murphy, J. Kim (20 de maio de 2025). "George Wendt, Who Played Norm on 'Cheers,' Dies at 76". Variety (en inglés). Consultado o 20 de maio de 2025.
2. "Programación da TVG". ABC. 18 de setembro de 1989. Consultado o 12 de decembro de 2017.
3. "Masked Singer unveils Selling Sunset and Cheers stars in double unmasking". Digital Spy (en inglés). 2023-03-30. Consultado o 2023-10-22.
4. Jones, Gareth (2014-07-10). "Haunter (UK DVD)". Dread Central (en inglés). Consultado o 2023-10-22.
5. "George Wendt". TV Guide. Consultado o 31 de xaneiro de 2021.
6. McRady, Rachel (2014-02-24). "Jason Sudeikis Hangs Out With Uncle, Cheers Star George Wendt: Picture". Us Weekly (en inglés). Consultado o 2023-10-21.