Himenópteros
orde de insectos From Wikipedia, the free encyclopedia
Remove ads
A dos himenópteros,[1] Hymenoptera, é unha grande orde de insectos caracterizados por posuíren ás membranosas, nas cales se poden ver facilmente os vasos sanguíneos.
O taxon inclúe, entre outros, as abellas, as avespas, o abesouros e as formigas. Probablemente é o terceiro maior grupo de insectos do mundo.
Hai descritas unhas 153 000 especies, aínda que probablemente o seu número é moito maior, distribuídas en 132 familias con 8 423 xéneros.[2][3]
Remove ads
Taxonomía
Descrición
A orde foi descrita en 1758 por Linneo na 10ª edición do seu Systema Naturae.[6]
Etimoloxía
O nome científico Hymenoptera está formado pola unión dos elementos do latín científico hymen- e -pter, derivados, respectivamente, das voces do grego antigo ὐμην hymēn, "membrana", e πτερόν pterón, "á", coa adición dun -o- epentético e do sufixo -a, indicando plural.[7][8]
Sinónimos
Ademais de polo nome cuñado por Linneo a orde coñeceuse tamén polos sinónimos:[9]
- Chalcidellia Girault, 1924
- Harpophorus Agassiz, 1846
Clasificación
A orde dos himenópteros dividiuse tradicionalmente en dúas subordes:[10]
Os apócritos presentan cintura (estreitamento que separa o tórax do abdome).
Os sínfitos carecen de cintura, e son un grupo parafilético.[11]
Remove ads
Características
A maioría dos himenópteros teñen dous pares de ás transparentes, a posterior é máis pequena e únese á primeira cun gancho. As antenas están altamente desenvolvidas e existen múltiples variantes. As partes da boca son amplas e, como regra xeral, está modificadas, en moitos casos, para absorberen o néctar das flores.
Moitas das especies son parasitas.
As femias presentan ao final do abdome unha estrutura para a posta de ovos, o ovipositor, que se converte nun aguillón velenoso nos grupos máis evolucionados.
As crías desenvólvense a través do holometabolismo (metamorfose completa), é dicir, pasan por unha etapa larval de verme e unha etapa de pupa inactiva antes de maduraren.
Sexo
Unha característica especial que se atopa nos himenópteros é que o sexo vén determinado polo número de cromosomas (determinación do sexo por haplodiploidía).[12] Os ovos fecundados teñen dous xogos de cromosomas (de cada un dos gametos respectivos de cada pai) e convértense en femias diploides, mentres que os ovos non fecundados só conteñen un xogo (da nai), polo que dan lugar a machos haploides. O acto da fecundación está baixo o control voluntario da femia, o que lle dá a esta o control do sexo da súa descendencia. Como consecuencia, as femias teñen máis xenes en común coas súas irmás que coa súa descendencia.[13]
William Donald Hamilton formalizou o concepto da selección de parentesco que podería ser unha das orixes da eusociabilidade destas especies.
Remove ads
Galería
Formiga fósil en ámbar
Hartigia linearis
Arge cyanocrocea
Larva de Arge pagana
Pupa de Trypoxylon collinum
Tenthredo largiflava
Diprion simile
Chrysis ignita
Aleiodes indiscretus parasitando a unha larva de Lymantria dispar
Cotesia congregata parasitando a unha eiruga de Manduca sexta
Rhyssa persuasoria, femia depositando ovos
Cerceris macho
Vespula maculifrons
Augochloropsis metallica femia
Bombus ternarius
Formiga Myrmecia sp.
Notas
Véxase tamén
Wikiwand - on
Seamless Wikipedia browsing. On steroids.
Remove ads