Honshu

Honshū (本州, ほんしゅう) é a illa principal do arquipélago xaponés, noutro tempo chamada Hondo.^[1] Limita ao norte coa illa de Hokkaido polo estreito de Tsugaru, ao sur con Shikoku polo mar Interior e ao suroeste con Kyūshū polo Estreito de Kanmon.

Honshu

(ja) 本州
Tipo	island of Japan (en)
Parte de	Arquipélago xaponés four main islands of Japan (en)
Situado na entidade xeográfica	Océano Pacífico e Cinto de lume do Pacífico
Localización
Continente	Asia
División administrativa	Xapón
36°N 138°L
Bañado por	Mar do Xapón, Océano Pacífico e Mar Interior de Seto
Composto por	Rexión de Chūbu Kansai (pt) Rexión de Tōhoku Kanto - 関東地方 Rexión de Chūgoku
Características
Dimensións	240 () × 1.300 () km
Perímetro	5.450 km
Punto máis alto	Monte Fuji  (3.776 m )
Superficie	227.939,66 km² 88.968 mi²

A poboación de Honshū é de 98 352 000 habitantes (1990) (89 101 702 en 1975), e está concentrada nas chairas existentes, especialmente na chaira de Kanto, onde reside o 25% da poboación en e ao redor de Toquio e Yokohama. Outras cidades importantes son Nagoia, Osaca, Kobe, Kyoto, Hiroxima e Sendai. A illa divídese en cinco rexións e 34 prefecturas, entre elas o Toquio metropolitano.

Xeografía

A illa ten aproximadamente 1.300 km de longo e varía dos 50 aos 230 km de largo, e a súa superficie total é de 227.942,85 km², ao redor do 60% da superficie total do Xapón, o que a fai un pouco máis grande que Gran Bretaña.^[2] A súa superficie terrestre estivo aumentando co levantamento costeiro no norte, pero o aumento global do nivel do mar diminuíu estes efectos. Honshu ten un perímetro de 5.450 km de costa.

É unha illa montañosa e volcánica, e nela prodúcense numerosos terremotos, como o gran terremoto de Kantō de setembro de 1923 que danou gravemente Toquio, e o terremoto e tsunami de Sendai de 2011 que moveu a parte nordeste da illa ata 5,3 metros^[3][4] mentres causaba tsunamis devastadores. O pico máis alto é o volcán activo Monte Fuji, con 3776 m. que converte a Honshu na 7ª illa máis alta do mundo. Hai moitos ríos, incluíndo o Shinano, o máis longo do Xapón e o río Tone, coa conca máis grande. Os Alpes xaponeses percorren a lonxitude de Honshu, dividindo a costa do noroeste (mar do Xapón) da costa do sueste (Pacífico ou mar interior); O clima é moi variable xeralmente subtropical húmido nas partes meridionais e costeiras da illa e continental húmido nas zonas norteñas e interiores.

Rexións administrativas e prefecturas

A illa está dividida en cinco rexións nominais e 34 prefecturas, incluíndo Toquio metropolitano. Administrativamente, algunhas illas máis pequenas inclúense dentro destas prefecturas, incluíndo as Illas de Ogasawara, Illa de Sado, Izu Shima e Illa de Awaji.

As rexións e prefecturas son:

Tōhoku (norte) comprende seis prefecturas.  Prefectura de Akita  Aomori  Fukushima  Iwate Prefectura de Miyagi Prefectura de Yamagata Kantō (leste) comprende sete prefecturas, incluíndo a capital do Xapón que é a metrópole de Toquio. Prefectura de Chiba Prefectura de Gunma  Ibaraki  Kanagawa Prefectura de Saitama Prefectura de Tochigi Toquio Chūbu (centro) comprende nove prefecturas.  Aichi  Prefectura de Fukui Prefectura de Gifu  Ishikawa Prefectura de Nagano Prefectura de Niigata Prefectura de Shizuoka Prefectura de Toyama Prefectura de Yamanashi Kinki(Kansai) (sur, aínda que ao norte de Chūgoku) comprende sete prefecturas. Prefectura de Hyōgo Prefectura de Kyoto Prefectura de Mie Prefectura de Nara Prefectura de Osaca Prefectura de Shiga Prefectura de Wakayama Chuugoku (suroeste) comprende cinco prefecturas. Prefectura de Hiroshima Prefectura de Okayama Prefectura de Shimane Prefectura de Tottori Prefectura de Yamaguchi

Honshū está unida ás demais illas do Xapón por túneis ou pontes

• Coa illa de Hokkaidō por Túnel de Seikan.
• Coa illa de Kyūshū por Túnel de Kanmon (hai 3 túnel, un para coche e dous para ferrocarrís) e Ponte de Estreito de Kanmon.
• Coa illa de Shikoku, hai 3 rutas, ruta de Akashi-Naruto, ruta de Kojima-Sakaide e Onomichi-Imabari.
  • Ruta de Akashi-Naruto
  • Ruta de Kojima-Sakaide
  • Ruta de Onomichi-Imabari