Hull House
From Wikipedia, the free encyclopedia
Remove ads
Hull House foi unha casa de asentamento (do inglés settlement houses) pertencente ao movimiento settlement dos Estados Unidos que foi fundada en 1889 por Jane Addams e Ellen Gates Starr. Situado no Near West Side de Chicago (Illinois), Hull House (chamado así polo primeiro propietario da casa orixinal, Charles Jerald Hull) abriu as súas portas aos inmigrantes europeos acabados de chegar. En 1911, Hull House tiña 13 edificios. En 1912, o complexo Hull House completouse coa adición dun campamento de verán, Bowen Country Club.[1] Cos seus innovadores programas sociais, educativos e artísticos, Hull House converteuse no abanderado do movemento que crecerá en 1920, a case 500 asentamentos a nivel nacional.[2]
A maioría dos edificios de Hull House foron demolidos para a construción do campus da Universidade de Illinois a mediados da década de 1960. A mansión Hull e varias adquisicións posteriores renováronse continuamente para adaptarse ás cambiantes demandas da asociación. O edificio orixinal e un edificio adicional (que se moveu 200 yardas (182,9 m)) sobreviven hoxe.[3] O 12 de xuño de 1974, ol edificio Hull House designouse como punto de interese de Chicago. O 23 de xuño de 1965, declarouse Monumento Histórico Nacional dos Estados Unidos.[4]
Remove ads
Historia
Addams seguiu o exemplo de Toynbee Hall, que foi fundado en 1884 no East End de Londres como un centro de reforma social por Henrietta Barnett. Describiu a Toynbee Hall como "unha comunidade de homes universitarios" que, mentres vivían alí, celebraban os seus clubs recreativos e reunións sociais na casa de asentamento entre os pobres e no mesmo estilo que terían no seu propio círculo.[5] Addams e Starr estableceron Hull House como unha casa de asentamento o 18 de setembro de 1889.[6][7]
No século XIX, comezou un movemento feminista para promover a educación, a autonomía e o acceso a ocupacións tradicionalmente dominadas polos homes. Formáronse organizacións dirixidas por mulleres, unidas pola irmandade, para a reforma social, incluíndo casas de asentamento en zonas traballadoras e marxinais, como Hull House.
Hull House, fundada en 1889, converteuse nunha "comunidade de mulleres universitarias" cuxo obxectivo principal era proporcionar oportunidades sociais e educativas á clase traballadora (moitas delas inmigrantes europeas recentes) do barrio circundante. Hull House tamén ofrecía concertos gratuítos para todos, daba conferencias gratuítas sobre temas de actualidade e organizaba clubs para nenos e adultos. Destacados académicos e reformadores sociais como John Dewey, George Herbert Mead, Max Weber e W.E.B. Du Bois[8] impartieron conferencias en Hull House.
En 1892, Addams publicou as súas reflexións sobre o que se describiu como as "tres R" do movemento das casas de asentamento: residencia, investigación e reforma. Estas implicaban "unha estreita cooperación coa xente do barrio, un estudo científico das causas da pobreza e a dependencia, a comunicación destes feitos ao público e unha presión persistente para unha reforma [lexislativa e social]..." [9] Hull House realizou estudos coidadosos da comunidade do Near West Side de Chicago, que se coñeceu como "o barrio de Hull House". Estes estudos permitiron que os residentes de Hull House participasen no deseño e a implementación de programas destinados a mellorar e potenciar as oportunidades de éxito da poboación, maioritariamente inmigrante. [10]
Segundo o Museo Jane Addams Hull-House, «algúns asentamentos estaban vinculados a institucións relixiosas. Outras, como Hull-House [cofundada por Addams], eran seculares». [11]
Remove ads
Notas
Wikiwand - on
Seamless Wikipedia browsing. On steroids.
Remove ads