Issam Alnagm Azzam

Issam Alnagm Azzam, nado en Dweri na provincia de Sweda (Siria) o 25 de xullo de 1948. É un médico xubilado e que foi alcalde de Muras en Lugo en 1991 polo PPdeG Foi moi sonada a súa oposición á guerra de Irak sendo unha das voces máis críticas do partido na etapa de Aznar.

Issam Alnagm Azzam

Biografía
Nacemento	24 de xullo de 1948 (77 anos) Damasco, Siria
Alcalde de Muras
1991 – 2015 – Manuel Requeijo →
Datos persoais
Educación	Universidade de Santiago de Compostela
Actividade
Ocupación	político, médico
Descrito pola fonte	Gran Enciclopedia Galega Silverio Cañada

Como alcalde destacou por iniciativas moi peculiares como á de incentivar a natalidade e o censo no municipio a través de axudas económicas e facilidades para establecerse no concello.^[1] e aprender galego.^[2]

Traxectoria

A súa traxectoria política empezou aos 16 anos en Siria, onde xa militaba nun partido. Chegou a España en 1968 para estudar Medicina. Matriculouse na Universidade de Santiago de Compostela e casou cunha compañeira de estudos. Chegou a Muras en 1989 como médico do Centro de Saúde. Presentouse ás eleccións municipais de 1991 en Muras encabezando a candidatura do PPdeG e foi elixido alcalde por maioría absoluta. Volveu ser elixido nas sucesivas eleccións, sempre con maioría absoluta, maioría que perdeu nas eleccións municipais de 2015. En 2016 foi acusado e condenado por inxurias ao alcalde do BNG Manuel Requeijo ao que acusou de quedar con cartos que eran para os xitanos.^[3]