Jeremy Tyler

Jeremy Miles Tyler, nado o 21 de xuño de 1991 en San Diego, California, é un xogador americano de baloncesto profesional que xoga nos Liaoning Flying Leopards da Chinese Basketball Association (CBA).

Jeremy Tyler

(2010)
Biografía
Nacemento	(en) Jeremy Miles Tyler 12 de xuño de 1991 (34 anos) San Diego, Estados Unidos de América
Educación	San Diego High School (en)
Altura	208 cm
Peso	118 kg
Actividade
Ocupación	baloncestista, xogador de fútbol americano
Período de actividade	2009 -
Deporte	baloncesto
Liga	NBA G League e National Basketball Association
Posición de xogo	Ala-pivote e Pivote
Convocado por	Charlotte Hornets
Traxectoria   Equipo – Tokyo Apache – Santa Cruz Warriors – Golden State Warriors – Maccabi Haifa BC – Atlanta Hawks – New York Knicks

Traxectoria profesional

Israel

O 7 de agosto de 2009, asinou un contrato co Maccabi Haifa B.C. da liga israelí.^[1] Tyler xogou tan só 10 partidos, nos que fixo 2.1 puntos en 7.6 minutos por partido. O 18 de marzo de 2010, deixou oficialmente o Maccabi.^[2]

Xapón

O 29 de xullo de 2010, Tyler asinou un contrato co Tokyo Apache da liga Xapón, xa que non podía presentarse ao Draft da NBA ata o ano 2011. En 33 partidos, acadou 9.9 puntos cunha porcentaxe de tiro dun 51.7%, e 6.4 rebotes en 15.4 minutos de xogo por partido.^[3]

NBA

Tyler foi elixido na 39ª posición do Draft da NBA de 2011 polos Charlotte Bobcats, pero poucos minutos despois foi traspasado aos Golden State Warriors a cambio de diñeiro. O 27 de febreiro de 2012, foi asignado ós Dakota Wizards.^[4] Foi chamado de volta o 6 de marzo de 2012.^[5] Durante a maior parte do seu ano coma rookie apenas tivo minutos de xogo, pero o 21 de marzo contra os New Orleans Hornets, xogou o seu primeiro partido coma titular, na posición de pivote. Permaneceu no quinteto titular do equipo ata o remate da tempada.^[6]

Durante a tempada 2012-13, foi asignado varias veces ós Santa Cruz Warriors da NBA D-League.^[7][8][9]

O 21 de febreiro de 2013, Tyler foi traspasado ós Atlanta Hawks a cambio dunha futura elección de segunda rolda do Draft.^[10] O 6 de marzo de 2013, Tyler foi cortado polos Hawks.^[11] O 13 de marzo de 2013, uniuse de novo ós Santa Cruz Warriors.^[12]