Limanda

Limanda é un xénero de peixes teleósteos da orde dos pleuronectiformes, suborde dos pleuronectoideos, familia dos pleuronéctidos e subfamilia dos pleuronectinos,^[1] que comprende seis especies propias das costas do norte dos océanos Atlántico e Pacífico, coñecidas en galego como limandas.^[2][3]

Limanda Limandas
Limanda común (Limanda limanda)
Clasificación científica
Reino: Animalia Filo: Chordata Subfilo: Vertebrata Clase: Actinopterygii Subclase: Neopterygii Infraclase: Teleostei Superorde: Acanthopterygii Orde: Pleuronectiformes Suborde: Pleuronectoidei Familia: Pleuronectidae Subfamilia: Pleuronectinae Xénero: Limanda Gottsche, 1835
Especies
Véxase o texto

Limanda áspera (Limanda aspera).

Como todos os peixes da familia dos pleuronéctidos, as especies deste xénero teñen o corpo aplanado, asimétrico, e cos dous ollos situados no lado pigmentado do corpo.

Taxonomía

Descrición

O xénero foi descrito en 1835 polo naturalista alemán Carl Moritz Gottsche.^[1]

Etimoloxía

O nome Limanda é un termo do latín científico tirado do francés limande "limanda", que á súa vez deriva do francés antigo lumande, e este do latín lima, "lima" (utensilio dos carpinteiros), ao que lle engadiu o sufixo -ande; estes peixes serían así denominado a causa da rugosidade da súa pel, no sentio de que era 'boa para limar'.^[4][5]

Clasificación

Na actualidade recoñécense dentro do xénero as seguintes seis especies:^[1][6]

• Limanda aspera (Pallas, 1814) - a limanda áspera.^[2]
• Limanda ferruginea (Storer, 1839) -a limanda de cola amarela.^[2]
• Limanda limanda (Linnaeus, 1758) - a limanda.^[2]
• Limanda proboscidea Gilbert, 1896
• Limanda punctatissima (Steindachner, 1879)
• Limanda sakhalinensis Hubbs, 1915