Pleuronéctidos

A dos pleuronéctidos (Pleuronectidae) é unha familia de peixes teleósteos acantopterixios da orde dos pleuronectiformes.

Pleuronéctidos Pleuronectidae
Pleuronectes platessa
Clasificación científica
Reino: Animalia Filo: Chordata Clase: Actinopterygii Subclase: Neopterygii Infraclase: Teleostei Superorde: Acanthopterygii Orde: Pleuronectiformes Suborde: Pleuronectoidei Familia: Pleuronectidae Cuvier, 1816
Xéneros e Especies
Véxase o texto

Comprende numerosas especies principalmente mariñas, aínda que algunhas son habitantes de estuarios e incluso dos ríos, que están distribuídas por todos os océanos.^[1]

O seu nome deriva do do seu xénero tipo, Pleuronectes, co sufixo do latín científico -idae, propio dos nomes das familias de animais. Pola súa parte, Pleuronectes deriva dos termos do grego antigo πλευρά pleurá, "costado", "lado", "flanco" e νηκτόν nēktón "acto de nadar", "natación", derivado do verbo νήχειν nḗchein, "nadar", pola forma característica de nadar de lado.

A maioría das súa especies viven sobre o fondo mariño, e teñen os ollos situados no costado dereito.^[2]

Os pleuronéctidos apareceron por pormeira vez no rexistro fósil no paleoceno, hai uns 65 millóns de anos, durante o paleóxeno ou terciario temperán.^[3][4]

Case todas as especies da familia teñen importancia pesqueira, entre eles as sollas e os fletáns ou hipoglosos.

Morfoloxía

Pleuronectes platessa

Platichthys flesus

Microstomus kitt

Parophrys vetulus

Hippoglossus hippoglossus

Teñen ambos os ollos normalmente no lado dereito, o preopérculo cunha marxe libre, aletas sen espiñas, coa dorsal estendéndose sobre a cabeza; a vexiga natatoria está ausente nos adultos.^[1]

O lado que mostran cara a arriba está pigmentado, tendo a capacidade de realizar espectaculares cambios de cor co obxecto de confundirse co fondo mariño onde se apoia, chegando incluso a imitar os debuxos das pedras e outros trazos.^[1]

Hábitat e reprodución

Son depredadores bentónicos de peixes e invertebrados, algúns, como o halibut, en fondos de máis de 1000 m.^[1]

Son desovadores peláxicos con abandono da posta; os ovos non teñen depósito de aceite na xema.^[1]

Sistemática

Segundo o ITIS

Segundo o Sistema Integrado de Información Taxonómica (ITIS), a familia dos pleuronéctidos tería 21 xéneros agrupados en 5 subfamilias:^[5]

• Subfamilia Eopsettinae
  • Xénero Eopsetta (Jordan & Goss en Jordan, 1885)
• Subfamilia Hippoglossinae
  • Xénero Clidoderma (Bleeker, 1862)
  • Xénero Hippoglossus (Cuvier, 1816)
  • Xénero Reinhardtius (Gill, 1861)
  • Xénero Verasper (Jordan & Gilbert en Jordan & Evermann, 1898)
• Subfamilia Hippoglossoidinae
  • Xénero Acanthopsetta (Schmidt, 1904)
  • Xénero Cleisthenes (Jordan & Starks, 1904)
  • Xénero Hippoglossoides (Gottsche, 1835)
• Subfamilia Lyopsettinae
  • Xénero Lyopsetta (Jordan & Goss en Jordan, 1885)
• Subfamilia Pleuronectinae
  • Xénero Isopsetta (Lockington en Jordan & Gilbert, 1883)
  • Xénero Dexistes (Jordan & Starks, 1904)
  • Xénero Glyptocephalus (Gottsche, 1835)
  • Xénero Lepidopsetta (Gill, 1862)
  • Xénero Microstomus (Gottsche, 1835)
  • Xénero Pleuronichthys (Girard, 1854)
  • Xénero Limanda (Gottsche, 1835)
  • Xénero Parophrys (Günther, 1854)
  • Xénero Platichthys (Girard, 1854)
  • Xénero Pleuronectes (Linnaeus, 1758)
  • Xénero Pseudopleuronectes (Bleeker, 1862)
  • Xénero Psettichthys (Girard, 1854)

Segundo a FishBase e o WoRMS

Segundo o sistema FishBase, na familia dos pleuronéctidos entrarían como subfamilias unha serie de taxons que no sistema ITIS son considerados como familias á parte, máis concretamente as subfamilias dos Paralichthodinae, Poecilopsettinae e Rhombosoleinae,^[6] polo que habería uns 40 xéneros e máis de 100 especies agrupadas nas seguintes 4 subfamilias:^[1]

Nota: o WoRMS admite, ademais, o xénero Lyospsetta (que tamén admite o SIIT), dentro da subfamilia dos Pleuronectinae.^[7]

• Subfamilia Paralichthodinae Regan, 1920
  • Xénero Paralichthodes (Gilchrist 1902)
• Subfamilia Pleuronectinae Rafinesque, 1815
  • Xénero Acanthopsetta (Schmidt 1904)
  • Xénero Atheresthes (Jordan & Gilbert 1880)
  • Xénero Cleisthenes (Jordan & Starks 1904)
  • Xénero Clidoderma (Bleeker 1862)
  • Xénero Dexistes (Jordan & Starks 1904)
  • Xénero Embassichthys (Jordan & Evermann 1896)
  • Xénero Eopsetta (Jordan & Goss 1885)
  • Xénero Glyptocephalus (Gottsche 1835)
  • Xénero Hippoglossoides (Gottsche 1835)
  • Xénero Hippoglossus (Cuvier 1816)
  • Xénero Hypsopsetta (Gill 1862)
  • Xénero Isopsetta (Lockington 1883)
  • Xénero Kareius (Jordan & Snyder 1900)
  • Xénero Lepidopsetta (Gill 1862)
  • Xénero Limanda (Gottsche 1835)
  • Xénero Liopsetta (Gill 1864)
  • Xénero Microstomus (Gottsche 1835)
  • Xénero Parophrys (Girard 1854)
  • Xénero Platichthys (Girard 1854)
  • Xénero Pleuronectes (Linnaeus 1758)
  • Xénero Pleuronichthys (Girard 1854)
  • Xénero Psettichthys (Girard 1854)
  • Xénero Pseudopleuronectes (Linnaeus 1758)
  • Xénero Reinhardtius (Gill 1861)
  • Xénero Tanakius (Hubbs 1918)
  • Xénero Verasper (Jordan & Gilbert 1898)
• Subfamilia Poecilopsettinae Norman, 1934
  • Xénero Marleyella (Fowler 1925)
  • Xénero Nematops (Günther 1880)
  • Xénero Poecilopsetta (Günther 1880)
• Subfamilia Rhombosoleinae Regan, 1910
  • Xénero Ammotretis (Günther 1862)
  • Xénero Azygopus (Norman 1926)
  • Xénero Colistium (Norman 1926)
  • Xénero Oncopterus (Steindachner 1874)
  • Xénero Pelotretis (Waite 1911)
  • Xénero Peltorhamphus (Günther 1862)
  • Xénero Psammodiscus (Günther 1862)
  • Xénero Rhombosolea (Günther 1862)
  • Xénero Taratretis (Last 1978)