Matt Mullenweg

Matthew Charles Mullenweg, nado en Houston, Texas, o 11 de xaneiro de 1984, é un programador estadounidense coñecido por crear o sistema de xestión de contido Wordpress. Por outra banda, creou o servizo de filtrado de spam centralizado Akismet, a compañía Automattic e o servizo de hosting gratuíto de blogs WordPress.com.

Matt Mullenweg

(2025)
Biografía
Nacemento	(en) Matthew Charles Mullenweg 11 de xaneiro de 1984 (41 anos) Houston, Estados Unidos de América
Residencia	San Francisco
Educación	High School for the Performing and Visual Arts (en) Universidade de Houston
Actividade
Ocupación	emprendedor, músico, informático teórico, programador, blogueiro
Movemento	Movemento polo software de código aberto
Participou en
23 de xaneiro de 2013	Encontro Anual do Foro Económico Mundial de 2013
Premios
(2016)  Premio Heinz
Sitio web	ma.tt

Traxectoria

Wordpress

Artigo principal: Wordpress.

En xuño de 2002 Matt comezou a usar o xestor de contidos b2/cafelog para publicar as fotos que sacou nunha viaxe a Washington, D.C. para participar na National Fed Challenge. Contribuíu cun pouco de código para arranxar unhas faltas de ortografía e para limpar as ligazóns permanentes.

En xaneiro de 2003, uns meses despois de que finalizase o desenvolvemento de b2, anunciou^[1] no seu blog que ía crear un fork para actualizalo aos estándares web e modificalo para as súas necesidades. Mike Little falou con el e xuntos crearon WordPress a partir do código fonte de b2. O programador orixinal de b2, Michel Valdrighi, uniuse a eles ao pouco tempo.