Mertxe Aizpurua

Mertxe Aizpurua Arzallus, nada en Usurbil, Guipúscoa o 18 de xaneiro de 1960, é unha política e xornalista vasca e deputada nas lexislaturas XIII e XIV. É a voceira do Grupo Parlamentario de EH Bildu.^[1]

Mertxe Aizpurua

(2023)
Biografía
Nacemento	(es) María Mercedes Aizpurua Arzallus 8 de xaneiro de 1960 (65 anos) Usurbil, España
Deputada de España
Representa: Euskal Herria Bildu 3 de decembro de 2019 – Lexislatura: XIV lexislatura do Congreso de España Circunscrición electoral: Gipuzkoa (constituency) (en) Electa en: eleccións ao Congreso de España de novembro de 2019, Novembre 2019 Spanish Congress of Deputies election (en)
Deputada de España
14 de maio de 2019 – 3 de decembro de 2019 Lexislatura: XIII Congreso de España Circunscrición electoral: Gipuzkoa (constituency) (en) Electa en: eleccións ao Congreso de España de abril de 2019
Presidenta Udalbiltza (en)
2012 – 2015
Alcaldesa de Usurbil
15 de xuño de 2011 – 15 de xuño de 2015 ← Xabier Mikel Errekondo
Directora Gara
1999 – 2004
Actividade
Lugar de traballo	Madrid
Ocupación	política, xornalista
Partido político	Euskal Herria Bildu
Membro de	Udalbiltza (en)

Traxectoria

Aizpurua naceu no concello guipuscoano de Usurbil en 1960. É licenciada en Ciencias da Información.^[1][2]

Foi editora do xornal Egin e da revista Punto y Hora de Euskal Herria.^[3] En setembro de 1983 Punto y Hora publicou un editorial sobre os "soldados" nacionalistas vascos e unha entrevista cun irmán dun membro de ETA morto por manipular un artefacto explosivo no concello navarro de Tafalla.^[4] En outubro de 1984, a Audiencia Nacional condenou a Aizpurua por "apoiar o terrorismo" e condenouna a un ano de prisión e prohibiulle traballar como xornalista durante un ano.^[5][6][7]

É fundadora do xornal Gara, sendo directora entre 1999 e 2004.^[8] En xuño de 2001 foi interrogada polo xuíz da Audiencia Nacional Baltasar Garzón despois de que Gara publicase unha entrevista con dous líderes de ETA.^[9] O caso contra Aizpurua foi desestimado finalmente en marzo de 2004.^[10]

É directora do xornal dominical, 7K, de Gara.^[8] É a autora de Argala: Pensamiento en Acción: Vida e Escritos (2018), unha biografía do líder de ETA, Argala.^[11]

Aizpurua participou nas eleccións locais de 2011 como candidata da alianza electoral Bildu en Usurbil e foi elixida concelleira. Foi alcaldesa de Usurbil de 2011 a 2015 e presidenta da Udalbiltza de 2012 a 2015.^[1] Participou nas eleccións xerais de abril de 2019 e de novembro de 2019 como candidata de EH Bildu por Guipúscoa resultando electa en ámbalas dúas ocasións.^[12][13][14]

Vida persoal

Está casada e ten un fillo.^[1]