Monte Pedroso

O monte Pedroso é un monte situado no concello de Santiago de Compostela, na parroquia de Santa María de Figueiras.

Monte Pedroso

Tipo	montaña
Localización
Continente	Europa
División administrativa	Santiago de Compostela, España
42°53′54″N 8°33′54″O
Cordilleira	Macizo Galaico
Características
Altitude	461 m

Situación

Dista tan só 3 km do casco urbano da capital galega. Accédese a el a través do Campo das Hortas e da Calzada do Carme de Abaixo. Está na marxe dereita do río Sarela. Dende o seu cumio (461 m) hai unha boa vista de Compostela e doutros montes próximos como o de Fontecova.

Historia

Da presenza humana no Pedroso desde tempos remotos dan testemuña os petróglifos preto do cumio. Na zona consérvase unha ponte medieval.

Está protexido desde hai anos da construción para que ningún edificio poida competir nunca en altura nin en visibilidade coa catedral de Santiago.^[1]

No cumio atópanse as antenas e instalación dos reemisores de radio e televisión.

Os seus bosques foron moi castigados na vaga de incendios do verán de 2006.

Galería de imaxes

• 
  Vista co monte Pedroso ó fondo dende A Igrexa, San Xoán de Calo, Teo.
• 
  Petróglifo do Pedroso.
• 
  Petróglifo do Pedroso.
• 
  Vista do Pedroso desde a zona vella.
• 
  Granxa do Sexto, no Pedroso
• 
  Centro emisor de Retevisión, no Pedroso