Noalla, Sanxenxo

Santo Estevo de Noalla é unha parroquia que se localiza no concello de Sanxenxo. Segundo o IGE, en 2016 tiña 2.552 habitantes (1.322 mulleres e 1.230 homes), o que representa unha estabilidade demográfica respecto ós últimos anos: en 2009 tiña 2.561 habitantes; en 2008, 2.533; e en 2000, 2.453.

Para outras páxinas con títulos homónimos véxase: Noalla.

Santo Estevo de Noalla
Tímpano da igrexa de Santo Estevo
Concello	Sanxenxo[1]
Provincia	Pontevedra
Coordenadas	42°25′55″N 8°51′15″O
Área	8,7 km²
Poboación	2.552 hab. (2016)
Densidade	293,33 hab./km²
Entidades de poboación	17[1]
[ editar datos en Wikidata ]

Limita ó norte coa ría de Arousa; ó noroeste co istmo da Lanzada, do concello do Grove; ó oeste e ó sur co océano Atlántico; e ó leste coas parroquias de Vilalonga, Gondar, Adina e Arra. A parroquia ten unha superficie de 8,7 km², o que a converte na parroquia máis extensa do concello. Consta de 17 entidades de poboación.

Xentilicio

Noalla no mapa da xurisdición da Lanzada incluído no Catastro de Ensenada, 1752.

O seu xentilicio é noallino^[2].

Patrimonio

A igrexa parroquial —a máis grande do concello— foi orixinariamente de estilo románico, conservándose desa época dúas arquivoltas apuntadas na fachada. Consta dunha soa nave, dividida en tres tramos: os dous máis occidentais están cubertos por bóveda de cruzaría, e o terceiro, xunto coa capela, con bóveda de canón.

Na fachada occidental, no tímpano figura un calvario do século XVIII. No lado esquerdo ten acaroada unha torre-campanario, rematada en cúpula, e ó pé unha pequena imaxe de Santo Estevo Mártir.

Nesta parroquia atópase o castro da Lanzada, a carón da torre da Lanzada. Tamén posúe un bo número de restos megalíticos na zona de Monte Faro.

Galería de imaxes

Artigo principal: Galería de imaxes de Noalla, Sanxenxo.

• 
  Capela en Aios
• 
  Fonte de Ons
• 
  Lavadoiro de Pontes
• 
  Praia de Bolos, xunto á ermida da Lanzada

Lugares e parroquias

Lugares de Noalla

Lugares da parroquia de Noalla no concello de Sanxenxo (Pontevedra)
Aios | O Casal | Os Caseiros | Codesal | Cova de Pazos | Fonte de Ons | A Igrexa | A Lanzada | Mourelos | O Pombal | Quintáns | A Revolta | Salgueiro do Mato | Soutullo | Telleiro | O Tombelo | Tramalleiro

Parroquias de Sanxenxo

Galicia | Provincia de Pontevedra | Parroquias de Sanxenxo
Adina (Santa María) | Arra (San Amaro) | Bordóns (San Pedro) | Dorrón (San Xoán) | Gondar (San Tomé) | Nantes (Santa Baia) | Noalla (Santo Estevo) | Padriñán (San Xenxo) | Vilalonga (San Pedro)