Vilalonga, Sanxenxo

San Pedro de Vilalonga é unha parroquia que se localiza no concello de Sanxenxo. Segundo o IGE, en 2016 tiña 2.261 habitantes (1.140 mulleres e 1.121 homes), o que representa un leve descenso respecto ó ano 2011, cando tiña 2.312 habitantes, e ó ano 2000, cando tiña 2.287.

Para outras páxinas con títulos homónimos véxase: Vila e Longa.

San Pedro de Vilalonga
Igrexa parroquial
Concello	Sanxenxo[1]
Provincia	Pontevedra
Coordenadas	42°26′06″N 8°50′23″O
Área	5,4 km²
Poboación	2.261 hab. (2016)
Densidade	418,7 hab./km²
Entidades de poboación	19[1]
[ editar datos en Wikidata ]

Na división territorial eclesiástica, a parroquia de San Pedro de Vilalonga comprende tamén a extinguida parroquia de San Tomé de Gondar.

Limita ó norte coa ría de Arousa, ó sueste coa parroquia de Gondar, e ó suroeste coa de Noalla. A superficie da parroquia é de 5,4 km ² (incluíndo Gondar), distribuídos en 19 entidades de poboación.

Patrimonio

Na igrexa parroquial houbo un baldaquino do que se conservan tres paneis, que foron cedidos en 1895 á Sociedade Arqueolóxica de Pontevedra e que hoxe forman parte dos fondos do Museo de Pontevedra. Nun deles represéntase a Anunciación, noutro a Adoración dos Reis e no terceiro a torre dun castelo, flanqueada polas chaves que simbolizan a San Pedro, e dous escudos nos extremos.

Próximos á igrexa de San Pedro e no lugar do Rebel hai dous pazos, ámbolos dous dos séculos XVI-XVII:

• Pazo dos Pardo, con brasón dos Figueroa. Posúe unha pequena capela neoclásica.
• Pazo do Rebel, hoxe reconvertido en hotel. Posúe un escudo dos Valladares e Rivera. Di a tradición que o nome lle vén dun conde, chamado Hermenegildo, que se rebelou ó reclamar a propiedade das salinas da Lanzada.

No mesmo lugar e fronte ós pazos, levantouse en 2011 o centro de saúde.

Galería de imaxes

• 
  Cruceiro no lugar da Costiña, do que só se conserva a cruz.
• 
  Interior da igrexa parroquial.
• 
  Altar maior da igrexa parroquial.
• 
  Baldaquino
• 
  Pazo do Rebel, do s. XVII, restaurado como hotel.
• 
  Capela do pazo dos Pardo.
• 
  Vilalonga no mapa da xurisdición da Lanzada incluído no Catastro de Ensenada, 1752.

Lugares e parroquias

Lugares de Vilalonga

Lugares da parroquia de Vilalonga no concello de Sanxenxo (Pontevedra)
Altamira | A Arnosa | A Bruñeira | O Carballal | O Castro | A Costiña | O Cruceiro | O Empalme | A Fianteira | O Freixo | O Igrexario | Lagarei | Piñeiros | O Rebel | Rouxique | A Salgueira | Tourada | A Touticeira | Vilar

Parroquias de Sanxenxo

Galicia | Provincia de Pontevedra | Parroquias de Sanxenxo
Adina (Santa María) | Arra (San Amaro) | Bordóns (San Pedro) | Dorrón (San Xoán) | Gondar (San Tomé) | Nantes (Santa Baia) | Noalla (Santo Estevo) | Padriñán (San Xenxo) | Vilalonga (San Pedro)