Nocedo do Val, Castrelo do Val

Nocedo do Val é unha parroquia do concello de Castrelo do Val na provincia de Ourense. Situada na marxe esquerda do río Támega, os seus habitantes viven da agricultura da pataca, o millo e os cereais. Tamén é terra de noces (orixe do seu nome) e de castañas. No outono son abundantes os cogomelos. En 2011 tiña 195 habitantes (102 homes e 93 mulleres).

Para outras páxinas con títulos homónimos véxase: Nocedo do Val.

Nocedo do Val
Concello	Castrelo do Val[1]
Provincia	Ourense
Coordenadas	42°00′06″N 7°26′36″O
Poboación	195 hab. (2011)
Entidades de poboación	1[1]
[ editar datos en Wikidata ]

Igrexa de Nocedo do Val

Visitas de interese son os muíños de auga, o forno, a fonte, a igrexa e os cruceiros. Dende o monte de Bitón ten vistas panorámicas de todo o val de Verín. Tamén pasa por esta aldea a ruta dos carboeiros.

Topónimo

O topónimo galego Nocedo é un fitónimo, derivado do latín NUCĒTUM^[2] que indica á presenza de nogueiras.

Lugares e parroquias

Lugares de Nocedo do Val

Lugares da parroquia de Nocedo do Val no concello de Castrelo do Val (Ourense)
Nocedo do Val

Parroquias de Castrelo de Val

Galicia | Provincia de Ourense | Parroquias de Castrelo do Val
Campobecerros (Santiago) | Castrelo do Val (Santa María) | Gondulfes (Santa Cruz) | Nocedo do Val (San Salvador) | Parada da Serra (San Lucas) | Pepín (San Vicente) | Piornedo (Santa Eufemia) | Portocamba (San Miguel) | Servoi (Santa María)