Om

Om ou Aum ( listen , IAST: Oṃ, en devanágari ॐ) é un son sagrado e símbolo espiritual nas relixións da India. Significa a esencia da realidade última, a conciencia ou o Atman.^[1][2][3] Máis amplamente, é unha sílaba que se canta independentemente ou antes dunha recitación espiritual no hinduísmo, o budismo e o xainismo.^[4][5] O significado e as connotacións de Om varían entre as diversas escolas de diferentes tradicións. Fai parte da iconografía que se atopou en manuscritos, templos, mosteiros e retiros espirituais hinduístas, budistas e xainistas das idades antiga e media.^[6][7]

Símbolo Om no alfabeto devanágari

Non confundir con Ohm.

No hinduísmo, Om é un dos máis importantes símbolos espirituais.^[8][9] Refírese ao Atman (alma) e ao Brahman (realidade última, completitude do universo, verdade, divindade, espírito supremo, principios cósmicos, coñecemento).^[10][11][12] A sílaba adoita atoparse no principio e no final dos cápitulos dos Vedas, os Upanishads e outros textos hindús.^[12] É un canto sagrado espiritual feito antes e durante a recitación de textos espirituais, durante o puja e rezos privados, en cerimonias de ritos de paso (sanskara) como nas vodas, e ás veces durante actividades espirituais e de meditación como o ioga.^[13][14]

A sílaba Om tamén é referida como onkara (ओङ्कार, oṅkāra), omkara (ओंकार, oṃkāra) e pranava (प्रणव, praṇava).^[15][16]

Om en varias linguas

• 
  Devanágari, gujarati e marathi
• 
  Asamés, bengalí, oriya)^[17]
• 
  Arya Samaj
• 
  Támil^[18]
• 
  Kannará^[19]
• 
  Telugu^[19]
• 
  Malabar^[20]
• 
  Grantha^[21]
• 
  Siddham^[22]
• 
  Xainismo
• 
  Chinés^[23]
• 
  Tibetano^[24]
• 
  Balinés^[25]
• 
  Xavanés^[26]