Paradela

Paradela é un concello da provincia de Lugo, pertencente á comarca de Sarria, que forma parte da Ribeira Sacra. Segundo o INE a súa poboación no 2017 era de 1.851 habitantes (2.307 no 2006, 2.367 no 2005, 2.408 no 2004, 2.463 no 2003) e 1.723 no 2021. O seu xentilicio (véxase no Galizionario) é «paradelense».

Para outras páxinas con títulos homónimos véxase: Paradela.

Paradela

Localización
42°45′50″N 7°34′03″O
Estado	España
Comunidade autónoma	Galicia
Provincia	provincia de Lugo
Capital	Paradela
Poboación
Poboación	1.557 (2025) (12,86 hab./km²)
Xeografía
Parte de	Mancomunidade de Concellos Galegos do Camiño Francés
Superficie	121,12 km²
Altitude	345 m
Comparte fronteira con	Portomarín O Saviñao Taboada Bóveda Sarria O Incio O Páramo
Organización política
• Alcaldesa	Montserrat Mulet (2024–)
Eleccións municipais en Paradela
Identificador descritivo
Código postal	27611
Fuso horario	UTC+01:00
Código INE	27042
Sitio web	paradela.es

Demografía

Censo Total	1.851 (2017)
Menores de 15 anos	97 (5.24 %)
Entre 15 e 64 anos	1.027 (55.48 %)
Maiores de 65 anos	727 (39.28 %)

Xeografía

Paradela sitúase no suroeste da provincia de Lugo, entre o val do río Miño e a depresión de Sarria. Limita ao norte co Páramo, ao sur con Bóveda e O Saviñao, ao leste con Sarria e O Incio, e ao oeste con Taboada e Portomarín. Ten uns 121,12 km²,^[1] repartidos en 18 parroquias.

Polo oeste pasa o río Miño, e atravesando a parte norte está o río Loio. O punto máis alto é Pena Ventureira (838 m), sendo a altitude media do concello de 600 m.

Heráldica

O concello de Paradela aprobou o 16 de abril de 1986 o proxecto de Estudo Heráldico e Estandarte para o Concello redactado por Vicente Cárdenas y Vicent, sendo aprobado definitivamente pola Xunta de Galicia o 16 de outubro do mesmo ano.

No escudo aparece a mitra, representando o mosteiro de Santa María de Loio, que aparece nomeado na Bula aprobatoria da Constitución canónica da Orde de Santiago, expedida polo Papa Alexandre III.

A campá representa a de San Miguel, á que sempre se lle atribuíu unha axuda milagreira nos partos dificultosos.

A grande Cruz de Santiago, no centro, lembra o paso do camiño francés a Santiago de Compostela polo concello, onde houbo importantes hospitais de peregrinos, así como unhas das primeiras posesións e casas matrices da Orde.

Os dous castiñeiros representan a destacada riqueza forestal de Paradela.

Patrimonio

No concello sitúanse o mosteiro de San Facundo de Ribas de Miño (século XIII), o mosteiro de Santa María de Castro de Rei e o mosteiro de Santa María de Loio.

Toponimia

Segundo Nicandro Ares Paradela é o nome do concello e de catro parroquias, mais non de ningún lugar. É un diminutivo de parada (latín parata) nun camiño,^[2] como o Camiño de Santiago.

Galería de imaxes

Artigo principal: Galería de imaxes de Paradela.

• 
  Centro Socio Cultural Manuel Rodríguez López.
• 
  Igrexa de Santa María de Ferreiros.
• 
  Río Miño en Francos, Paradela.
• 
  Casa do concello.
• 
  Placa altimétrica do concello.

Lugares de Paradela

Para unha lista completa de todos os lugares do concello de Paradela vexa: Lugares de Paradela.

Parroquias

Galicia | Provincia de Lugo | Parroquias de Paradela

Aldosende (Santiago) | Andreade (Santiago) | Barán (San Pedro) | Castro (San Mamede) | Castro de Rei de Lemos (Santa María) | As Cortes (San Salvador) | Ferreiros (Santa María) | Francos (Santa María) | A Laxe (Santiago) | Loio (San Xoán) | Paradela (San Miguel) | San Facundo de Ribas de Miño (San Facundo) | San Martiño de Castro (San Martiño) | San Vicente de Paradela (San Vicente) | Santa Cristina de Paradela (Santa Cristina) | Santalla de Paradela (Santalla) | Suar (San Lourenzo) | Vilaragunte (Santa María)