Paralictíidos

A dos paralictíidos (Paralichthyidae) é unha familia de peixes teleósteos acantopterixios da orde dos pleuronectiformes e suborde dos pleuronectoideos.^[1]

Paralictíidos Paralichthyidae Rango fósil: mioceno - actualidade
Paralichthys albigutta
Clasificación científica
Reino: Animalia Filo: Chordata Clase: Actinopterygii Subclase: Neopterygii Infraclase: Teleostei Superorde: Acanthopterygii Orde: Pleuronectiformes Suborde: Pleuronectoidei Familia: Paralichthyidae Regan, 1910, ou Chabanaud, 1937 (Segundo os autores)
Xéneros e Especies
Véxase o texto

Comprende numerosas especies principalmente mariñas, aínda que algunhas son habitantes de estuarios e incluso dos ríos, que están distribuídas polos océanos Atlántico, Índico e Pacífico.^[2]

Apareceron por primeira vez no rexistro fósil no mioceno, durante o terciario superior.^[3]

Varias das súas especies teñen certa importancia pesqueira, tanto para a pesca comercial coma a deportiva.

Etimoloxía

O nome da familia, Paralichthyidae, está formado sobre a base do xénero tipo, Paralichthys, coa desinencia do latín científico ´-idae, empregada para formar os nomes das familias de animais.

O nome Paralichthys, pola súa parte, está formado polo elemento do latín científico paral-, derivado do termo do grego antigo παράλιος parálios, que significa "situado canda o mar", "costeiro" (como adxectivo), e " costa", "ribeira" (como substantivo), e o termo grego ἰχθύς ichthýs, "peixe". Literalmente: "os peixes que viven na beira do mar".

Características

Morfoloxía

• Son peixes planos sinistros, é dicir, que teñen os dous ollos no lado esquerdo da cabeza.
• Non teñen raios espiñentos nin nas aletas pectorais nin nas pelvianas.
• A base das aletas pelviana é curta e case simétrica.^[2]

Reprodución

A desova prodúcese con abandono da posta dos ovos, os cales teñen na xema un único glóbulo de aceite.^[2]

Taxonomía

Segundo o WoRMS, a familia foi establecida en 1810 polo ictiólogo inglés Charles Tate Regan en "The origin and evolution of the teleostean fishes of the order Heterosomata", Annals and Magazine of Natural History 8: 484-496. Porén, outros autores atribúenlle a súa autoría, en 1937 ao francés Paul Chabanaud.^{[Cómpre referencia]}

Na actualidade recoñécense n a familia os seguintes xéneros.^[1][2]

• Ancylopsetta (Gill, 1864)
• Cephalopsetta (Dutt & Rao, 1965)
• Citharichthys (Bleeker, 1862)
• Cyclopsetta (Gill 1889)
• Etropus (Jordan & Gilbert, 1882)
• Gastropsetta (Bean 1895)
• Hippoglossina (Steindachner, 1876)
• Paralichthys (Girard, 1858)
• Pseudorhombus (Bleeker, 1862)
• Syacium (Ranzani, 1842)
• Tarphops (Jordan & Thompson, 1914)
• Tephrinectes (Günther, 1862)
• Thysanopsetta (Günther, 1880)
• Xystreurys (Jordan & Gilbert, 1880)

Galería de imaxes

• 
  Ancylopsetta dilecta
• 
  Ancylopsetta dilecta
• 
  Citharichthys spilopterus
• 
  Citharichthys arctifrons
• 
  Cyclopsetta fimbriata
• 
  Etropus rimosus
• 
  Etropus microstomus
• 
  Syacium papillosum