Pilar Rojo

Pilar Milagros Rojo Noguera, nada na Coruña o 23 de febreiro de 1960, é unha política galega militante do PPdG.

Pilar Rojo

(2017)
Biografía
Nacemento	(es) Pilar Rojo Noguera 23 de febreiro de 1960 (65 anos) A Coruña, España
Representante da Asemblea Parlamentaria do Consello de Europa
Representa: España 25 de novembro de 2016 – 9 de marzo de 2017
Deputada de España
7 de xullo de 2016 – Lexislatura: XII lexislatura de España Circunscrición electoral: Pontevedra Electa en: Eleccións xerais de España de 2016
Deputada de España
4 de xaneiro de 2016 – 3 de maio de 2016 Lexislatura: XI lexislatura de España Circunscrición electoral: Pontevedra Electa en: Eleccións xerais de España de 2015
6ª Presidenta do Parlamento de Galicia
1 de abril de 2009 – 26 de xaneiro de 2016 ← Dolores Villarino – Miguel Santalices →
Deputada do Parlamento de Galicia
20 de novembro de 2001 – 12 de xaneiro de 2016
Actividade
Ocupación	política, arquitecta
Partido político	Partido Popular
Membro de	Partido Popular de Galicia

Traxectoria

É licenciada en Arquitectura pola Escola Técnica Superior de Arquitectura da Coruña. En 1990 e ata 1996 exerceu como arquitecta da Facenda Pública na Delegación Provincial de Economía e Facenda en Pontevedra. En novembro de 1996 foi nomeada delegada provincial da Consellería de Cultura e Comunicación Social da Xunta de Galicia en Pontevedra, cargo que ocupou ata finais de 2001.^[1]

No ano 2001 foi elixida deputada do PPdeG por Pontevedra no Parlamento de Galicia, cargo para o que foi reelixida nas VII e VIII lexislaturas. O 20 de xaneiro de 2003 foi nomeada Conselleira de Familia, Xuventude, Deporte e Voluntariado, cargo que desempeñou ata as eleccións autonómicas de 2005.

Após as Eleccións ao Parlamento de Galicia 2009, foi elixida presidenta do Parlamento de Galicia. Nas eleccións xerais de 2015 presentouse en terceiro lugar pola provincia de Pontevedra e foi elixida deputada. En xaneiro de 2016 foi substituída na Presidencia do Parlamento Galego por Miguel Santalices.^[2] Nas eleccións xerais de abril de 2019 presentouse ao Senado pola provincia de Pontevedra, sen obter escano. Repetiu candidatura nas Eleccións xerais de novembro do mesmo ano, desa volta con éxito.