Rubus ulmifolius
especie de planta From Wikipedia, the free encyclopedia
Remove ads
A Rubus ulmifolius, tamén coñecida vulgarmente como silva ou silveira, é un arbusto que pertence á familia das rosáceas, de talos espiñentos pode medrar até os tres metros. Moi abondosa en Galiza, o seu froito aseméllase a unha baga pero é un conxunto de drupas unidas entre si, coñecida como amora, é comestíbel, de cor morada que se volve negra ao madurecer, o seu sabor é doce.
Para outras páxinas con títulos homónimos véxase: Silva.
É unha planta invasiva que medra axiña e pode colonizar extensas zonas de bosque ou formar grandes sebes en pouco tempo.
Remove ads
Etimoloxía
O seu nome científico deriva do latín. O xénero ruber (rubio, vermello), pola cor dos seus froitos. O epíteto específico fai referencia á semellanza dos seu folíolos coas follas do umeiro (Ulmus minor).
O nome común en galego é silva ou silveira, aínda que este último tamén se refire ao conxunto destas plantas[1]. Cómpre ter en conta que outras especies do xénero Rubus tamén se chaman silvas en galego, especialmente Rubus fruticosus.
Remove ads
Descrición
Ten follas imparipinnadas, compostas por 3 ou 5 folíolos peciolulados e en punta, bastante variábeis, de forma elíptica ovada ou obovada, co bordo dentado ou aserrado, de cor verde escura pola face e branco-tomentoso polo envés.
As flores, pentámeras, teñen pétalos ovalados brancos ou rosados duns 10-15 mm e os sépalos son cinsentos ou tomentoso-abrancazados. Nacen en acios, dando lugar a inflorescencias de forma oblonga ou piramidal.
O seu froito, a amora, é comestíbel e está formado por moitas pequenas drupas en acio e unidas entre si (polidrupa), de cor vermella, tornándose ao negro ao madureceren.
Remove ads
Citoloxía
- 2n=14[2]
Distribución
É unha planta moi invasiva e que medra axiña que tamén pode multiplicarse vexetativamente xerando raíces dende as súas pólas. Pode colonizar extensas zonas de bosque, monte baixo, abas ou formar grandes sebes nun tempo relativamente curto.
É frecuente en sebes e a súa distribución orixinal abrangue case toda Europa, o norte de África e o sur de Asia. Tamén foi introducida nas Américas e en Oceanía, con efectos moi negativos como maleza; por exemplo en Chile, é considerada unha especie invasora;[3] porén, a venda dos seus froitos e os seus subprodutos tamén significa unha fonte de ingresos para moitas familias, que realizan a colleita dos seus froitos.
Remove ads
Taxons infraespecíficos
Practicamente todos son meros sinónimos da especie, mais os seguintes son taxonomicamente aceptados[4]:
- Rubus ulmifolius var. chlorocarpus (Bor. in Genev.) Focke
- Rubus ulmifolius var. dalmatinus (Tratt.) Focke
- Rubus ulmifolius var. inermis (Willd.) Focke
- Rubus ulmifolius subsp. rusticanus (Mercier) Focke
- Rubus ulmifolius subsp. sanctus (Schreb.) Sudre
Sinónimos
- Rubus albidiflorus (Sudre) Boubet
- Rubus amoenus var. hispanicus (Willk.) Willk.
- Rubus amoenus var. microphyllus Lange
- Rubus arduennensis subsp. collicola (Sudre) Sudre
- Rubus bujedanus Sennen & Elías
- Rubus castellanus Sennen & Elías
- Rubus collicola Sudre
- Rubus cyrenaicae Hruby
- Rubus discolor subsp. rusticanus (Mercier) Nyman
- Rubus discolor subsp. ulmifolius (Schott) Nyman
- Rubus discolor Weihe & Nees
- Rubus edouardi Sennen
- Rubus flagelaris var. inermis Willd. ex Ser. in DC.
- Rubus fruticosus subsp. discolor (Weihe & Nees) Syme in Sm.
- Rubus fruticosus var. discolor (Weihe & Nees) G.Mey.
- Rubus fruticosus var. ulmifolius (Schott) Fiori in Fiori & Paol.
- Rubus fruticosus L.
- Rubus garbetinus Sudre
- Rubus gerundensis Sennen
- Rubus heteromorphus Ripart ex Genev.
- Rubus hispanicus Willk.
- Rubus inermis Pourr.
- Rubus insignitus Timb.-Lagr. & P.J.Müll.
- Rubus legionensis Gand.
- Rubus lemaitrei Ripart ex Genev.
- Rubus longipetiolatus Sennen
- Rubus minutiflorus Lange
- Rubus pilosus var. discolor (Weihe & Nees) Dumort.
- Rubus pubescens var. discolor (Weihe & Nees) Karsch
- Rubus rusticanus subsp. insignitus (Timb.-Lagr. & P.J. Müll.) Boulay
- Rubus rusticanus Mercier in Reut.
- Rubus segobricencis Pau
- Rubus simusifolius Sennen
- Rubus subdolus Sudre
- Rubus ulmifolius subsp. anisodon Sudre
- Rubus ulmifolius subsp. dilatatifolius Sudre
- Rubus ulmifolius subsp. heteromorphus (Ripart ex Genev.) Sudre
- Rubus ulmifolius subsp. insignitus (Timb.-Lagr. & P.J. Müll.) Sudre
- Rubus ulmifolius subsp. rusticanus (Mercier) Focke in Asch. & Graebn.
- Rubus ulmifolius subsp. rusticus (Sudre) Sudre ex J.Legrain in Robyns
- Rubus ulmifolius subsp. subtruncatus Sudre
- Rubus ulmifolius subsp. vulgatus Sudre
- Rubus ulmifolius var. albidiflorus (Sudre) Sudre ex J. Legrain in Robyns
- Rubus ulmifolius var. anoplothyrsus Sudre
- Rubus ulmifolius var. heteromorphus (Ripart ex Genev.) Hruby
- Rubus ulmifolius var. lemaitrei (Ripart ex Genev.) O.Bolòs & Vigo
- Rubus ulmifolius var. minutiflorus Lange ex Focke
- Rubus ulmifolius var. rusticanus (Mercier) Merino
- Rubus ulmifolius var. rusticus (Sudre) O. Bolòs & Vigo
- Rubus ulmifolius var. subdolus (Sudre) Sudre
- Rubus ulmifolius var. ulmifolius Schott
- Rubus ulmifolius var. valentinus Sennen
- Rubus ulmifolius Schott
- Rubus valentinus Pau
- Rubus villicaulis subsp. discolor (Weihe & Nees) Čelak.
- Rubus vulgaris var. discolor (Weihe & Nees) Wirtg.
- Rubus vulgaris Bubani
Remove ads
Usos
A amora é considerada culinariamente coma un froito do bosque, doce e moi popular en pastalería, emprégase para a preparación de sobremesas, marmeladas e xeleas e, ás veces, viños e licores. As follas disecadas, utilizadas como infusións, teñen propiedades adstrinxentes, antisépticas urinarias e bucais e tamén diuréticas. A amora negra contén sales minerais vitaminas A, B e C. Polo seu alto contido de ferro é utilizada para previr e combater a anemia. Entre outras facultades, estudos recentes comprobaron que o elevado contido de flavonoides (taninos que tamén posúen os viños tintos) contribúe a previr o cancro e diminuír o colesterol.[5][6]
En Galiza a amora tamén se usou para tinxir a la de cor negra.
A casca dos talos utilízase como material de cestaría e para facer cordas.[7] É por exemplo material tradicional para coser as colmeas de palla ou 'skep hives' de tradición anglosaxoa que aínda se utilizan hoxe en día.[8]
Remove ads
Notas
Véxase tamén
Wikiwand - on
Seamless Wikipedia browsing. On steroids.
Remove ads