Solla

A solla,^[1] tamén coñecida como solla de altura,^[2][3][4] Pleuronectes platessa, Linnaeus, 1758, é un peixe teleósteo da orde dos pleuronectiformes, suborde dos pleuronectoideos, familia dos pleuronéctidos e subfamilia do pleuronectinos, pertencente ao xénero Pleuronectes,^[5] que vive nas costas do Atlántico, sobre fondos areosos ou lamacentos, ás veces de grava, desde o mar de Barents até o Mediterráneo occidental (golfo de León), así como nas costas de Islandia e do sur de Groenlandia.^[4]

Para outras páxinas con títulos homónimos véxase: Solla (homónimos).

Solla, solla de altura Pleuronectes platessa
Estado de conservación
Pouco preocupante
Clasificación científica
Reino: Animalia Filo: Chordata Subfilo: Vertebrata Clase: Actinopterygii Subclase: Neopterygii Infraclase: Teleostei Superorde: Acanthopterygii Orde: Pleuronectiformes Suborde: Pleuronectoidei Familia: Pleuronectidae Subfamilia: Pleuronectinae Xénero: Pleuronectes Especie: P. platessa
Nome binomial
Pleuronectes platessa Linnaeus, 1758

Como todos os peixes da familia dos pleuronéctidos, ten o corpo aplanado, asimétrico, e os dous ollos situados no mesmo lado (dereito), na cara pigmentada.

Taxonomía

A especie foi descrita en 1758 por Linneo na 10ª edición do seu Systema Naturae.^[5]

Ao longo da historia foi coñecida polos seguintes sinónimos:^[5]

• Platessa latus Cuvier, 1829
• Platessa platessa (Linnaeus, 1758)
• Platessa vulgaris Cloquet, 1826
• Pleuronectes borealis Faber, 1828
• Pleuronectes latus Cuvier, 1829
• Pleuronectes platessa baltica Nilsson, 1855

Estado de conservaión

Segundo a UICN, o status actual da especie é LC (pouco preocupante).^[6]