Tahini

Tahini ou tahina (en árabe: طحينية, en hebreo: טחינה, en turco: Tahin que significa fariña) é unha pasta feita con sementes de sésamo moídas que se emprega en moitos pratos da gastronomía en Oriente Medio.^[1]

Tahini
Parte de: gastronomía de Exipto
Tipo	Mollo
Subclase de	alimento de untar, alimento, pasta culinaria e condimento
Composto por  sementes de sésamo (pt)
Relacionados
Similares	Hummus
Fontes e ligazóns
TasteAtlas	tahini
[ Wikidata ] [ C:Commons ]

Emprego

Prato de hummus e ful, rematado con tahini, aceite de oliva, e adornado con pirixel picado.

É un ingrediente esencial do hummus (puré de garavanzos) e do baba ganush (puré de berenxenas). Pode tomarse tamén untada en pan (principalmente, en pan de pita) e aliñada, e adóitase diluír en zume de limón e auga, engadindo opcionalmente allo para formar un mollo que acompaña diversos pratos, como as brochetas de carne (os chamados pinchos morunos), a carne asada (shawarma), as croquetas de garavanzos ou fabas (faláfel), ensaladas, etc.