Tesis

Tesis é o filme español dirixido por Alejandro Amenábar que se estreou no ano 1996. Está protagonizada por Ana Torrent, Fele Martínez e Eduardo Noriega. É a primeira longametraxe de Amenábar. A súa distribuidora é United Universal Pictures e CIA.S.R.C^[1] e baséase no guión orixinal de Amenábar sobre un asasinato nunha universidade. Tesis estreouse na sección Panorama do Festival de Berlín e gañou o Premio do Público do Festival de Annecy.^[2]

Tesis
Título Tesis
Instancia de filme
Xénero filme de suspense cinema de terror cinema dramático filme de misterio
Lingua orixinal lingua castelá
Cor en cor
Autoría
Director/a Alejandro Amenábar
Compositor/a Alejandro Amenábar
Guionista Alejandro Amenábar
Director/a fotografía Hans Burmann
Deseñador/a son Daniel Goldstein Ricardo Steinberg (pt)
Actores Fele Martínez Miguel Picazo Paco Hernández (en) Xabier Elorriaga Eduardo Noriega Ana Torrent José Luis Cuerda
Temática
Ambientado en Madrid
Publicación
Data de publicación 1996
País de orixe España
Produtor/a Alejandro Amenábar
Produtor/a executivo José Luis Cuerda
Distribuidor/a Lucky Red Distribuzione Netflix
Formato de distribución vídeo baixo demanda
Puntuación da crítica 83% Rotten Tomatoes (31 de outubro de 2024) 6.8/10 Rotten Tomatoes (7 de outubro de 2021)
Dimensións
Duración 2 horas e 5 minutos
Localizacións
Localización rodaxe Madrid
Identificadores
ISAN	0000-0000-5764-0000-M-0000-0000-8
Fontes e ligazóns
Redes
Wikidata

Cun notable éxito de crítica e público, o filme foi rodado mentres Amenábar aínda estaba a estudar na Universidade Complutense de Madrid.^[3] Obtivo varios premios, entre eles sete Premios Goya nos que salienta os de mellor película, mellor guión orixinal e mellor director novel.^[4]

Sinopse

Ángela (Ana Torrent) é unha estudante de imaxe que prepara a súa tese sobre a violencia audiovisual,^[5] cara á que non pode evitar sentir certa atracción. A partir de aí, chegará a descubrir o mundo das snuff movies e ata a involucrarse nel máis do que ela desexara.

Personaxes

• Ana Torrent como Ángela Márquez
• Fele Martínez como Chema
• Eduardo Noriega como Bosco Herranz
• Xabier Elorriaga como Jorge Castro
• Miguel Picazo como Figueroa
• Nieves Herranz como Sena Márquez
• Rosa Campillo como Yolanda
• Francisco Hernández como Pai de Ángela
• Rosa Ávila como Nai de Ángela
• Teresa Castanedo como Presentadora TV
• José Miguel Caballero como Conserxe Videoteca
• Joserra Cadiñanos como Vixilante
• Julio Vélez como Encargado Tren
• Pilar Ortega como Encargada C. Vendas
• Olga Margallo como Vanessa
• José Luis Cuerda como Profesor 1º
• Emiliano Otegui como Profesor 2º
• Walter Prieto como Vixilante Tren
• Florentino Sainz como Ancián

Premios

Goyas 2001

Categoría	Persoa	Resultado
Mellor película		Gañadora
Mellor dirección novel	Alejandro Amenábar	Gañador
Mellor actriz	Ana Torrent	Candidata
Mellor actor revelación	Fele Martínez	Gañador
Mellor guión orixinal	Alejandro Amenábar	Gañador
Mellor dirección de produción	Carlos Bernases	Gañador
Mellor montaxe	Mª Elena Sainz de Rozas	Gañadora
Mellor son	Daniel Goldstein, Ricardo Steinberg, Afonso Pino	Gañadores

Produción

Está rodada, en parte, na Facultade de Ciencias da Información da Universidade Complutense de Madrid na que estudou Amenábar. A rodaxe tivo que facerse no mes de agosto, cando estas instalacións quedaban baleiras.